Denieł Redklif pryznaŭsia, što naŭrad ci budzie hladzieć novaha «Hary Potera»
Brytanski akcior, pieršy vykanaŭca roli Hary Potera Denieł Redklif raskazaŭ, što pakul nie vyrašyŭ, ci budzie hladzieć novy sieryjał HBO pra Hary Potera. Pra heta akciora spytali ŭ intervju Associated Press. Pavodle jaho słoŭ, sprava tut nie ŭ mahčymaj jakaści ekranizacyi abo tvorčych rašeńniach jaje stvaralnikaŭ.
Redklif patłumačyŭ, što ŭžo dastatkova pahladzieŭ «Hary Potera» i sam šmat zdymaŭsia ŭ hetaj historyi. Akramia taho, jon uvohule redka hladzić sieryjały. Naprykład, nie bačyŭ navat takich viadomych prajektaŭ, jak «Va ŭsie ciažkija» i «Varjaty». Akcior dadaŭ, što vosiem hadzin pierad ekranam — heta davoli šmat niezaležna ad taho, što hladziš.
Redklif taksama patłumačyŭ, čamu nie choča davać parady 12‑hadovamu Daminiku Makłaflinu, jaki syhraje Hary Potera ŭ novaj ekranizacyi. Jon razumieje, jakaja ŭvaha prykavana da junaha akciora, i nie choča stvarać jamu dadatkovych ciažkaściaŭ.
Pa słovach Redklifa, chłopiec pavinien sam spravicca sa svajoj rolaj. Kali jon daść jamu niejkuju paradu, žurnalisty mohuć pačać pytacca ŭ Makłaflina, čamu toj nie robić tak, jak raić Denijeł. Akcior ža nie choča, kab jaho słovy pastajanna pieraśledavali junaha pierajemnika padčas intervju. Pry hetym jon upeŭnieny, što Daminik budzie vydatny, i spadziajecca paznajomicca ź im u budučyni.
Letaś Redklif usio ž napisaŭ Makłaflinu list, u jakim pažadaŭ, kab zdymki prynieśli jamu jašče bolš radaści, čym kaliści samomu Denijełu. Sudziačy ź jaho słoŭ, pakul hetym ich kantakty i abmiežavalisia.
Pieršy siezon sieryjała «Hary Poter i fiłasofski kamień» pavinien vyjści 25 śniežnia na HBO i HBO Max.
Ciapier čytajuć
Biełaruska hod adpracavała dalnabojščycaj u Jeŭropie. Ciapier sprabuje pastupić u italjanski ŭniviersitet5
Kamientary