Śledstva pa «spravie brata Dźmitryja Paŭličenki» vyjšła na finiš

Na finišnuju pramuju vychodzić śledstva pa «spravie brata Dźmitryja Paŭličenki».

Kamitet dziaržbiaśpieki źviarnuŭ svaju ŭvahu na samuju zakrytuju, staranna achavanuju, ale dobra viadomuju znutry mnohim dziasiatkam tysiač biełarusaŭ strukturu MUS.

U kancy žniŭnia — pačatku vieraśnia čekisty praviali šerah apieratyŭnych mierapryjemstvaŭ u dačynieńni da supracoŭnikaŭ Departamienta vykanańnia pakarańniaŭ (DVP). U ich liku apynuŭsia namieśnik načalnika režymnaha adździeła adnoj z kałonij Minskaj vobłaści.

Kapitana ŭnutranaj słužby čekisty zatrymali ŭ pracoŭny čas, kali jon, adziety ŭ formu, nakiroŭvaŭsia da miesca słužby. Padčas dahladu ŭ aficera vyjavili amal paŭtara hrama mietadona, pišuć «Biełaruskija naviny».

Kryminalnuju spravu raspačali pa artykule 328 Kryminalnaha kodeksa «Niezakonny abarot narkatyčnych srodkaŭ, psichatropnych rečyvaŭ i ich prekursaraŭ». U ciapierašni čas u dačynieńni da zatrymanaha 27-hadovaha supracoŭnika DVP pravodziacca śledčyja dziejańni na pradmiet vyśviatleńnia krynicy nabyćcia bolš čym dvuch dziesiatkaŭ dozaŭ sintetyčnaha narkotyka, a taksama tych, dla kaho jany pryznačalisia.

U vielmi niaprostaj dla siabie situacyi apynuŭsia i śpiecyjalist upraŭleńnia tyłavoha zabiaśpiečańnia DVP MUS. Kamitetčyki padazrajuć padpałkoŭnika ŭ słužbovym padłohu i raspačali ŭ dačynieńni da jaho kryminalnuju spravu. Adna ź firmaŭ pavinnaja była pastavić u vypraŭlenčyja ŭstanovy 5 stamatałahičnych ustanovak na ahulnuju sumu amal 100 miljonaŭ rubloŭ, adnak svaje abaviazalnicttvy jana nie vykanała. Ale aficer nibyta vyrašyŭ «prykryć» firmu i ŭnios u tavarna-transpartnuju nakładnuju zahadzia iłžyvyja zapisy ab atrymańni abstalavańnia, na padstavie jakich departamient pieraličyŭ hrošy. Mahčyma, u chodzie śledstva vyśvietlacca i matyvy «dabryni» padpałkoŭnika za kazionny košt.

A voś pa inšaj spravie, raspačataj KDB u lutym hetaha hoda, pa ŭsioj bačnaści, śledstva ŭžo vychodzić na finišnuju pramuju. Pačałosia jano sa zdareńnia ŭ adnoj z kamier SIZA-1, kali dvoje siadzielcaŭ atrucilisia narkatyčnymi rečyvami. Tady KDB aryštavaŭ supracoŭnika śledčaha izalatara i pačaŭ pravierku abarotu narkaźmiaščalnych miedycynskich preparataŭ u balnicy, jakaja znachodzicca na terytoryi VK-1. I fakty ŭspłyli niepažadanyja. U vyniku pad śledstva trapili niekalki miedykaŭ, u ich liku načalnik «balnički» — brat byłoha kamandzira śpiecnaza Dźmitryja Paŭličenki. Abvinavačvajuć jaho ŭ tym, što jon «vykonvaŭ niezakonnyja zahady» vyšejšaha kiraŭnika

U ahulnym ža, kali navat paviarchoŭna praanalizavać kirunki, pa jakich užo «adpracavaŭ» KDB Biełarusi, to stvarajecca ŭražańnie, što

čekisty płanamierna «začyščajuć» usie tajemnyja kutki pravaachoŭnaj sistemy dziaržavy:

• 0
• 0
• 0
• 0
• 0
• 0