Ministar zamiežnych spraŭ Łatvii Artys Pabryks 18 kastryčnika pryniaŭ z aznajamlenčym vizytam novaha pasła Biełarusi ŭ Łatvii Alaksandra Hierasimienku
Ministar zamiežnych spraŭ Łatvii Artys Pabryks 18 kastryčnika pryniaŭ z aznajamlenčym vizytam novaha pasła Biełarusi ŭ Łatvii Alaksandra Hierasimienku, paviedamili karespandentu IA REGNUM u MZS respubliki. Pasoł paćvierdziŭ, što pravaachoŭčyja orhany Biełarusi vyrašyli spynić kryminalnuju spravu, u jakoj fihuruje imia byłoha druhoha sakratara pasolstva Łatvii ŭ Biełarusi Rejma Šmitsa. Jak patłumačyli ŭ MZS, pavodle słovaŭ Hierasimienki, biełaruski bok pryznaje ŭ suviazi ź incydentam (havorka pra pieratrus na kvatery łatvijskaha dyplamata) nienaŭmysnaje parušeńnie Venskaj kanvencyi pra dyplamatyčnyja suviazi. Pabryks u adkaz vyraziŭ nadzieju, što nadalej stasunki abiedźviuch krain buduć farmavacca bolš abdumana. U svaju čarhu Hierasimienka paćvierdziŭ zacikaŭlenaść Biełarusi ŭ raźvićci supracoŭnictva z Łatvijaj, asabliva ŭ sferach ekanomiki, technalohij, pamiežnaj słužby dy inšych. Z ulikam hetaha vizytu ad 23 kastryčnika ŭznović vykanańnie svaich abaviazkaŭ u Biełarumi łatvijski pasoł Majra Mora.
Sioleta na pačatku žniŭnia Artys Pabryks zajaviŭ, što nia stanie sustrakacca z novym pasłom Biełarusi ŭ Łatvii da taho času, pakul nia budzie atrymanaje aficyjnaje tłumačeńnie z nahody pieratrusu na kvatery łatvijskaha dyplamata ŭ Miensku.
Kamientary