Raźmiaščacca jon budzie ŭ Administracyi Łukašenki, a ŭ ekspazicyju ŭvojduć padarunki kiraŭniku biełaruskaj dziaržavy.
Jak paviedamiŭ napres-kanfierencyi 8 kastryčnika namieśnik ministra kultury Biełarusi Tadevuš Stružecki, u Biełarusi płanujecca stvaryć Muziej biełaruskaj dziaržaŭnaści. Jon maje raźmiaścicca ŭ Administracyi kiraŭnika krainy, na miescy byłoha archivu.
Namieśnik ministra paviedamiŭ, što muziej budzie abstalavany samaj sučasnaj technikaj i abstalavańniem. Ekspazicyja muzieja budzie pačynacca z
Płanujecca, što ŭ jaje ŭvojduć k važnyja dziaržaŭnyja dakumienty, takija, jak Dekłaracyja ab dziaržaŭnaj niezaležnaści, tak i padarunki kiraŭniku biełaruskaj dziaržavy Alaksandru Łukašenku.
Pavodle słoŭ Tadevuša Stružeckaha, novy muziej maje vykonvać pradstaŭničyja funkcyi. Tudy buduć nakiroŭvać vysokapastaŭlenych haściej Biełarusi. Adnak dla prostych hramadzian Muziej biełaruskaj dziaržaŭnaści taksama nie budzie zakryty — kožny achvotny zmoža jaho naviedać.
Sprečnym vyhladaje nie tolki napaŭnieńnie muzieju, ale i sama ideja pačać adlik biełaruskaj dziaržaŭnaści z 90 hadoŭ. «NN» źviarnułasia pa kamientar da adnaho z asnoŭnych śpiecyjalistaŭ ŭ halinie nacyjanalnaha ruchu, historyka Alesia Smalenčuka. Jon nazvaŭ namier pačynać adlik biełaruskaj dziaržaŭnaści ad 90-ch hadoŭ biazhłuździcaj.
«Heta poŭny absurd. Navat u savieckija časy biełaruskuju dziaržaŭnaść bolš hłyboka razumieli.Ad 1917 hodu adličvali. Spadziajusia, što hety prajekt tak i zastaniecca prajektam». Prakamientavaŭ spadar Smalančuk i sam namier stvaryć Muziej biełaruskaj dziaržaŭnaści: «Heta cikavaja ideja. Ale padobna na toje, što jaje ažyćciaŭlajuć dziaržaŭnyja ideołahi, a nie historyki. Jašče dobra, što nie ad dnia naradžeńnia Łukašenki raspačynajuć ekspazicyju. Uvohule biełaruskaja dziaržaŭnaść davoli dobra raspracavanaja. Ad samoha Połackaha kniastva. Tamu kali nasamreč paŭstanie muziej, pryśviečany stanaŭleńniu dziaržaŭnaści Biełarusi, to moža paŭstać nasamreč cikavaja ŭstanova».
Kamientary