Julija Słuckaja pra artykuł palitolaha A.Suzdalcava: «Taki scenar absalutna niemahčymy»
Artykuł rasiejskaha palitolaha Andreja Suzdalcava: pravakacyja, demanstracyja siły ci praŭdzivy prahnoz budučaha biełaruska-rasiejskaha kryzisu? Ci skarystajecca Maskva z paradaŭ Suzdalcava? Adkazvajuć supracoŭniki i aŭtary rasiejskamoŭnych vydańniaŭ, źviazanych z maskoŭskimi vydavieckimi hrupami.
Artykuł rasiejskaha palitolaha Andreja Suzdalcava: pravakacyja, demanstracyja siły ci praŭdzivy prahnoz budučaha biełaruska-rasiejskaha kryzisu? Ci skarystajecca Maskva z paradaŭ Suzdalcava? Adkazvajuć supracoŭniki i aŭtary rasiejskamoŭnych vydańniaŭ, źviazanych z maskoŭskimi vydavieckimi hrupami.
Viktar Marcinovič, namieśnik redaktara «BiełHaziety»:
Pa-pieršaje, treba źviarnuć uvahu na asobu A.Suzdalcava. Jašče da departacyi jaho biełaruskim KDB šerah ekspertaŭ uvažaŭ jaho za łabista intaresaŭ bujnych rasiejskich enerhietyčnych kampanijaŭ. Ciapier jon, da ŭsiaho, rasiejski palitolah. Tamu ŭsie jahonyja zajavy treba razhladać mienavita ŭ takim kantekście. Zmročnyja farby jahonaha artykułu – heta ŭsio psychalahičnyja momanty. Maskva słovami Suzdalcava daje zrazumieć, što Biełaruś pavinna pryniać jaje ŭmovy i prapanovy. Rasieju ŭ pieršuju čarhu cikavić ekanomika – pryvatyzacyja «Biełtranshazu» dy ŭvohule bujnych pramysłovych pradpryjemstvaŭ Biełarusi. Tamu prapanavanyja Suzdalcavym miery pa supraćdziejańni Łukašenku zadziejničanyja nia buduć. Nia varta šukać paralelaŭ z hruzina-rasiejskim kanfliktam i čakać padobnaha raźvićcia padziejaŭ u biełaruska-rasiejskich dačynieńniach. Łukašenka vyklikaje zusim inšuju, istotna mienšuju, stupień razdražnieńnia ŭ svajho rasiejskaha partnera. Uvohule, departacyja hruzinaŭ vitajecca balšynioj maskvičoŭ i piciercaŭ, što tłumačycca ich stałaj niepryjaznaściu da kaŭkazcaŭ. Departacyja choć by adnaho biełarusa z Rasiei vykliča tam advarotny efekt. Maskva na takoje nikoli nia pojdzie.
Alaksandar Hrycanaŭ, kalumnist «BiełHaziety»:
Andrej Suzdalcaŭ dakładna apisaŭ siońniašnija prablemy va ŭzajemadačynieńniach pamiž Biełarusiaj i Rasiejaj. Ja ź im całkam zhodny, chiba što tolki peŭnyja ličby, datyčnyja koštu raspracoŭki radoviščaŭ nafty, vyklikajuć pytańni. Adnak što da mahčymaj reakcyi Kramla, dyk ja ŭpeŭnieny: anijak Maskva z hetych prapanovaŭ nie skarystaje. Ciapier u Rasiei pry ŭładzie nia tyja ludzi, kab mahli pajści na takija radykalnyja dziejańni. Kreml biurakratyzavany i kryminalizavany. Liču, što kali b taki scenar padziejaŭ adbyŭsia, to heta było b na karyść usim – Łukašenka byŭ by zmušany pajści na sapraŭdnyja, a nie adčepnyja ekanamičnyja reformy.
Julija Słuckaja, hałoŭnaja redaktarka hazety «Komsomolskaja pravda v Biełarusi»:
Absalutna niemahčyma, kab spraŭdziŭsia hetki scenar. Rasieja nikoli nia pojdzie na takija žorstkija miery suprać svajho sajuźnika. Treba razumieć, što na praciahu ŭsioj sučasnaj historyi biełaruska-rasiejskich uzajemadačynieńniaŭ viaducca takoha kštałtu hulni. I hetuju zajavu Suzdalcava taksama treba razumieć, jak element hulni. Ale Rasieja nie hatovaja stracić takoha susieda, jakim by jon ni byŭ. Tamu hetyja parady, kali i spraŭdziacca, to vyklučna na ŭzroŭni demanstracyi. Hłybinnyja ž pracesy buduć iści svaim vyznačanym šlacham.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary