15 listapada Minsk naviedvaje jeŭrakamisar Štefan Fiule. Heta druhi vizit čynoŭnika ŭ našu krainu.
15 listapada Minsk naviedvaje jeŭrakamisar Štefan Fiule. Heta druhi vizit čynoŭnika ŭ našu krainu. Upieršyniu siudy Fiule pryjazdžaŭ u lipieni.
Hetym razam jeŭrakamisar vyrašyŭ nie sustrakacca z kandydatami ŭ prezidenty. Ranicaj u jaho było spatkańnie z pradstaŭnikami hramadzianskaj supolnaści. U hateli «Jeŭropa» prysutničała bolš za piaćdziesiat čałaviek.
Paśla čaho Fiule daŭ nievialikuju pres‑kanfierencyju. Čynoŭnik paviedamiŭ, što ŭžo zaraz krainami ES pačałosia abmierkavańnie sumiesnaha pramiežkavaha płanu adnosna Biełarusi.
Siarod inšaha hety płan źmiaščaje i pytańnie źmiakčeńnia vizavaha režymu ŭ dačynieńni hramadzian Biełarusi. Pieramovy pačalisia ŭžo zaraz. Pryčym, rašeńnie nie budzie zaležyć ad palityčnaj situacyi ŭ krainie.
Fiule zaznačyŭ, što bačyć niekatory prahres u Biełarusi. Naprykład, adnosna rehistracyi kandydataŭ ci zboru podpisaŭ. Tym nie mienš, pytańni zastajucca pa farmiravańni vybarčych kamisii i daterminovym hałasavańni.
U MZS Biełarusi adbyłasia sustreča ministra Siarhieja Martynava ź jeŭrakamisaram Štefanam Fiule. Fiule skazaŭ: «My parazmaŭlali na temu hramadzianskaj supolnaści z maim siabram Siarhiejem Martynavym».
«My imkniemsia da raźvićcia hramadzianskaj supolnaści i chočam ščylniejšych adnosin ź biełaruskim hramadstvam. Mienavita tamu Jeŭrakamisija i vyrašyła pačać pieramovy ź Biełaruśsiu ab spraščeńni vizavaha režymu i readmisii.
Paśla taho jak hetaje pytańnie budzie razhledžanaje, biełarusy zmohuć jeździć u krainy Jeŭrasajuza praściej i tańniej», — dadaŭ Fiule.
Pierad sustrečaj z Martynavym Fiule zajaviŭ, što spraščeńnie vizavaha režymu nie budzie źviazvacca abo abumoŭlivacca palityčnymi pytańniami.
Štefan Fiule taksama paviedamiŭ, što padčas razmovy z Martynavym skazaŭ, što ES čakaje ad Biełarusi praviadziehnia prezidenckich vybaraŭ u adpaviednaści sa standartami BDIPČ.
«Heta dazvolić pahłybić dačynieńni pamiž ES i Biełaruśsiu», — adznačyŭ jeŭrakamisar.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary