Nijakich sankcyj u dačynieńni da kandydataŭ u prezidenty, jakija arhanizavali sustreču z vybarščykami 24 listapada na Kastryčnickaj płoščy Minska, pakul nie prymieniena.
Nijakich sankcyj u dačynieńni da kandydataŭ u prezidenty, jakija arhanizavali sustreču z vybarščykami 24 listapada na Kastryčnickaj płoščy Minska, pakul nie prymieniena.
Akcyja pravodziłasia ŭ znak pratestu suprać udziełu Alaksandra Łukašenki ŭ čarhovych prezidenckich vybarach i była prymierkavana da
Kastryčnickaja płošča Minska nie źjaŭlajecca dazvolenym miescam dla ahitacyi za kandydataŭ u prezidenty. Za publičnyja zakliki da vybarščykaŭ pryjści na płošču Rymašeŭski i Statkievič atrymali aficyjnyja papiaredžańni Hienieralnaj prakuratury i mohuć być pazbaŭleny kandydackaha statusu.
Jak paviedamiła davieranaja asoba Vitala Rymašeŭskaha Pavieł Sieviaryniec,
sankcyi ŭ dačynieńni da Rymašeŭskaha za praviadzieńnie hetaj akcyi Centrvybarkam budzie abmiarkoŭvać 30 listapada.
«Naša pradstaŭnica ŭ CVK Taćciana Šapućka atrymała telehramu ab tym, što jana vyklikana na heta pasiadžeńnie. Taksama tam budzie prysutničać i Rymašeŭski», — paviedamiŭ Sieviaryniec.
Pavodle jaho słoŭ, papiaredžańnie prakuratury nijak nie adbiłasia na hrafiku vystupleńniaŭ i sustreč Rymašeŭskaha. «Siońnia jon, jak i abiacaŭ, sustreniecca ŭ 18.00 z vybarščykami kala ŭvachodu na čyhunačny vakzał Minska. Jaho davieranyja asoby praviaduć sustrečy ŭ rehijonach, akramia taho, my raźviaziem pa rehijonach nakład kalarovych ulotak u padtrymku Rymašeŭskaha, jakija nam nadrukavali sa spaźnieńniem», — skazaŭ Sieviaryniec.
Jašče adzin kandydat u prezidenty i arhanizatar akcyi 24 listapada
Mikałaj Statkievič zajaviŭ, što nijakaha papiaredžańnia prakuratury jon nie atrymlivaŭ.
«Usie pisali ab tym, što papiaredžańnie mnie vyniesiena. Ale aficyjna hetaha papiaredžańnia ŭ mianie na rukach niama. Prychodzili niejkija ludzi, sprabavali mnie ŭsunuć niejkija papierki… U mianie svaich papierak chapaje, navošta mnie jašče adna», — zajaviŭ palityk.
Pavodle słoŭ Statkieviča, pakul nijakich sankcyj da jaho i jaho kamandy prymieniena nie było.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary