Patrabavańnie kandydataŭ u prezidenty vydzielić im dadatkovy čas dla vystupleńnia ŭ efiry biełaruskaha telebačańnia Centralnaja vybarčaja kamisija razhledzić 9 abo 10 śniežnia.
Pra heta paviedamiŭ sakratar CVK Mikałaj Łazavik, prymajučy 7 śniežnia zajavu z takim patrabavańniem ad Taćciany Proćki, davieranaj asoby kandydata ŭ prezidenty Uładzimira Niaklajeva.
Pieradača zajavy adbyłasia padčas pikieta kala Centrvybarkama, arhanizavanaha aktyvistami hramadzianskaj kampanii «Jeŭrapiejskaja Biełaruś» i kampanii «Havary praŭdu!». U im udzielničała kala 50 čałaviek. Ludzi stajali z płakatami «Adnu hadzinu praŭdy!» i «Čamu BT baicca praŭdy?».
Pavodle słoŭ Taćciany Proćki, Łazavik pryniaŭ zajavu, ale adznačyŭ, što vydzialeńnie dadatkovaha efirnaha času znachodzicca ŭ kampietencyi Biełteleradyjokampanii i Centrvybarkam moža tolki rekamiendavać joj zrabić heta.
Udzielniki pikieta prymacavali kala budynka CVK raściažku z nadpisam «Patrabujem dadatkovaha pramoha efiru kandydatam u prezidenty Respubliki Biełaruś». Adnak jana pieraškadžała vyjezdu słužbovych mašyn z unutranaj terytoryi Doma ŭrada. Tamu pikietčyki źniali raściažku i vyrašyli pieradać jaje niepasredna kiraŭniku CVK Lidzii Jarmošynaj, jakaja znachodzicca ciapier na Usiebiełaruskim narodnym schodzie.
Udzielniki pikieta rušyli pa praśpiekcie Niezaležnaści ŭ bok Pałaca Respubliki pad ściahami i transparantami. Za imi nazirali supracoŭniki milicyi ŭ cyvilnym, zdymali ich na videa.
Kala budynka HUMa šeście spyniŭ łancuh z supracoŭnikaŭ milicyi ŭ cyvilnym.
Udzielniki akcyi vyrašyli nie ŭvachodzić u siłavoje supraćdziejańnie ź milicyjaj. Pradstaŭnik štaba Uładzimira Niaklajeva Michaił Paškievič zajaviŭ, što svaim šeściem demanstranty ŭžo pryciahnuli ŭvahu socień minčan. Jon zaklikaŭ prysutnych pabierahčy siły dla dalejšych dziejańniaŭ i zaklikaŭ ludziej pryjści 16 śniežnia na sustreču z kandydatami ŭ prezidenty Uładzimiram Niaklajevym i Andrejem Sańnikavym, a taksama
«Hetaje šeście — dobraja demanstracyja siły. U nas jość jašče dva tydni dla praviadzieńnia takich mierapryjemstvaŭ pa ŭsioj krainie. Budziem ličyć, što naša mierapryjemstva ŭdałosia», — skazaŭ Paškievič.
Nichto z udzielnikaŭ akcyi nie zatrymany.
Kamientary