62,5% akcyj AAT «Krupski płodaaharodninavy zavod», jakija znachodziacca ŭ kamunalnaj ułasnaści, buduć biazvypłatna pieradadzienyja inviestaru — TAA «Diemoton» (Rasija) — da 1 krasavika 2011 pry vykanańni šerahu inviestycyjnych umovaŭ.Ukaz № 707 byŭ padpisany 30 śniežnia 2010.
Naminalny košt 62,5% pakieta akcyj — 27897 akcyj — składaje 278,97 młn rubloŭ.
Zhodna z dakumientam inviestar abiacaje pahasić pazyčanaść zavoda pierad biudžetam na sumu 1,809 młrd rubloŭ. Pryčym inviestaru dajecca adterminoŭka pahašeńnia pazyčanaści da 1 studzienia 2016 z nastupnaj rasterminoŭkaj jaje pahašeńnia da 1 studzienia 2021.
Pry hetym z pradpryjemstva całkam śpisvajecca pazyčanaść pierad biudžetam pa ekanamičnych sankcyjach za parušeńnie padatkovaha zakanadaŭstvaŭ sumie 3 258 800 rubloŭ; pa pieni — u sumie 1 832 204 741 rubiel; pa pracentach za karystańnie adterminoŭkaj pa vypłacie padatkaŭ u sumie 119 266 343 rubli.
Razam z tym, inviestar abaviazvajecca ŭkłaści ŭ madernizacyju zavoda nie mienš za 300 tys. dalaraŭ na praciahu raspačataj piacihodki, nie tolki zachavaŭšy ciapierašni štat pradpryjemstva, ale i stvaryŭšy pry hetym dadatkova 50 pracoŭnych miescaŭ, a taksama svoječasova i ŭ poŭnym abjomie vypłačvać ŭsie padatki.
Kali inviestar nie vykanaje ŭziatyja na siabie abaviazalnictvy, to ŭ jakaści štrafu budzie abaviazany pieraličyć u miascovy biudžet sumu, roŭnuju trochrazovamu naminalnamu koštu atrymanych biazvypłatna akcyj.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami36
Kamientary