Novy kiraŭnik Biełdziaržteleradyjokampanii Hienadź Davydźka raskazaŭ Jeŭraradyjo, z čaho płanuje pačynać pracu na novym miescy, jakija źmieny čakajuć kalektyŭ i ci voźmie jon na pracu svajho papiarednika.
— Ci nie mahli b vy raskazać pra svaje płany na novym miescy pracy?
— Ja tak miarkuju, što jašče ranavata, — ja tolki tut raźbirajusia ŭ spravach, ich šmat, šmat, šmat. Tamu ja tak dumaju, što peŭnyja płany ŭ mianie sfarmulujucca ŭ hałavie pryblizna praz tydzień, nie raniej. Va ŭsiakim vypadku nie raniej. I ŭžo praz tydzień ja z zadavalnieńniem adkažu na ŭsie pytańni.
— Ja razumieju, što kiraŭnik prezidenckaj administracyi pastaviŭ pierad vami hruntoŭnyja zadačy, i chaciełasia b, chacia b daviedacca — z čaho płanujecie pačać? Jakija buduć samyja pieršyja kroki?
— Samyja pieršyja: paraicca z tymi, chto pracuje, pahladzieć, što samaje lepšaje jość, pahladzieć na tyja pamyłki, jakija isnujuć, na jakaść. Pakul što — z'aryjentavacca. Pieršaje — z'aryjentavacca. Kab nie zrabić pamyłki ŭ takoj składanaj i važkaj spravie.
— Skažycie, a nakolki niečakanym stała dla vas heta pryznačeńnie?
— Absalutna niečakanym. Mianie prosta vyklikali i pryznačyli.
— Na jakija kadry dumajecie abapiracca: budziecie pryciahvać novych, maładych ludziej? Ci na tych, chto daŭno pracuje?
— Reč u tym, što ŭ Biełteleradyjokampanii skłaŭsia ŭžo kalektyŭ. Vielmi mocny, prafiesijny. I ŭ pieršuju čarhu — što tyčycca techničnych słužbaŭ. A što tyčycca tvorcaŭ… Zrazumieła, treba budzie krychu ich zaachvocić. Padšturchnuć i zaachvocić, ja tak miarkuju. I adnačasova — pastavić zadačy cikavyja, i tady ŭsio budzie. A što tyčycca kiraŭnictva kampanii — raźbiaremsia! Treba budzie prosta pahladzieć: chto jak pracavaŭ, chto dzie pamylaŭsia, chto — nie pamylaŭsia. I zrabić vysnovy dla siabie.
— A ci nie dumajecie prapanavać Alaksandru Zimoŭskamu pajści namieśnikam da vas?
— Nie, nie dumaju.
-
U Biełarusi pradajecca redkaja manieta, jakuju možna vykarystoŭvać jak abjektyŭ u fotaaparacie. Što za jana?
-
U biełaruskaj kramie izrailskija avakada kaštujuć tańniej, čym ajčynnyja ahurki
-
Biełarusy raskazali, jak 20 dzion chadzili pa arktyčnaj hłuchmieni. Ciapier tam jość pieravały Vasila Bykava i Uładzimira Karatkieviča
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary