Situacyja pahoršyłasia ŭ paraŭnańni ź minułym hodam.
Biełaruś zaniała 155-je miesca z 179-i pa ŭzroŭni ekanamičnych svabod i pahoršyła svaje letašnija pakazčyki.
Rejtynh «Indeks ekanamičnaj svabody» raźličvajecca daśledčym centram Heritage Foundation (ZŠA) sumiesna z hazietaj Wall Sreet Journal.Daśledčyki adznačajuć paharšeńnie pazicyj Biełarusi pa 5 z 10 analizavanych paramietraŭ.
Dadzieny rejtynh štohod raźličvajecca ekśpiertami fondu pa dziesiaci asnoŭnych katehoryjach, jakija ŭličvajuć stupień ekanamičnaj, handlovaj svabody, inviestycyjnaj adkrytaści krainy, umiašańnie dziaržavy ŭ ekanomiku, uzrovień karupcyi i t. d.
Jak adznačajuć analityki Heritage Foundation, niahledziačy na pamianšeńnie dziaržaŭnaha kantrolu ŭ śfiery ekanomiki, ekanamičnaja libieralizacyja tak i nie stała ŭ Biełarusi pryjarytetam.
U krainie, pa mierkavańni daślednikaŭ, pa-raniejšamu vysoki ŭzrovień karupcyi i biurakratyi, a ŭmiašalnictva dziaržavy ŭ pryvatny siektar pamianšaje inviestycyjnyja i finansavyja svabody.
Suciašaje, što padobnym čynam spravy iduć praktyčna va ŭsich krain byłoha SSSR.
Pa vynikach 2010 hodu Rasija zaniała 143-je miesca. Apošniaje, 179-je miesca ŭ rejtynhu dastałasia Paŭnočnaj Karei. Indeks jaje ekanamičnaj svabody skłaŭ 1 punkt.
Samaj svabodnaj ekanomikaj u śviecie 17-j raz zapar pryznajecca kitajskaja aŭtanomija Hankonh.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3
Kamientary