Padčas pieratrusu ŭ aktyvista «Havary praŭdu» zabrali ŭsie hrošy siamji
Śledčy Cybulski pakvapiŭsia navat na banknotu ŭ dziesiać złotych.
Dniom 14 studzienia u kvatery, dzie pražyvaje były kaardynatar vybarčaha štabu Uładzimira Niaklajeva Aleh Ładućka, adbyŭsia pieratrus. Pieratrusam kiravaŭ śledčy Cybulski ź Leninskaha RUUS.
Nie zdoleŭšy dazvanicca da samoha Aleha, jakoha zaraz niama ŭ Miensku, milicyjanty pazvanili na pracu jaho maci Natalli i paviedamili, što kali jana nie pryjedzie, to dźviery ŭ kvateru buduć uzłamanyja. U kvatery ŭ toj momant znachodziŭsia sastareły baćka Natalli Ładućka, jaki nie byŭ u stanie całkam adekvatna reahavać na patrabavańni supracoŭnikaŭ milicyi.
Nie dačakaŭšysia pryjezdu Natalli Ładućka, Cybulski vyklikaŭ z ŽESu ślesara i zahadaŭ jamu ŭzłamać dźviery kvatery. Pieratrus pačaŭsia ŭ adsutnaść haspadyni.
«Ja tolki pad samy kaniec paśpieła padjechać. Usio ŭ kvatery było pieraviornuta z noh na hałavu. Zabrali kampjutar, dyski, niekalki nacyjanalnych ściahoŭ, knihi Niaklajeva i Paźniaka. Mnie asabliva škada ich, bo tam aŭtohrafy ad aŭtaraŭ…», —raspaviadaje Natalla Ładućka.
Akramia ŭsiaho hetaha, supracoŭniki milicyi źnieśli z kvatery Natalli Ładućka i niemałuju sumu hrošaj. «Ja ŭ svajoj asabistaj spalni zachoŭvała źbieražeńni. 9750 dołaraŭ, 450 jeŭra. Dyk i heta ŭsio zabrali, skazali, što śledstva zacikaŭlenaje pravieryć hetyja hrošy, ci nie falšyvyja, adkul pachodziać. Zabrali navat 10 złotych (prykładna 10 tysiač biełaruskich rubloŭ). Ja vielmi zaraz turbujusia, ci viernuć mnie hrošy. Heta maje asabistyja, ja doŭha źbirała ich», — raspaviała spadarynia Ładućka ŭ razmovie z karespandentam «NN».
Natalla Ładućka źbirajecca padavać skarhu ŭ Hienprakuraturu.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj16
Kamientary