Vasiamnaccacihadovaha aktyvista partyi BNF Valancina Łabačova i šmatdzietnuju maci Natallu Škadun vinavaciać va ŭdziele ŭ niesankcyjanavanym pikiecie. Jon adbyŭsia ŭ niadzielu, 16 studzienia.
Łabačova i Škadun vyklikali ŭ Leninski adździeł milicyi Mahilova i vystavili im abvinavačańnie. Spravu ab administracyjnym pravaparušeńni viadzie supracoŭnik adździełu Andrej Ciecierukoŭ.
«My ciapier znachodzimsia ŭ milicyi, — raskazała Natalla Škadun. — Ciecierukoŭ pajechaŭ u sud i zahadaŭ nam jaho čakać. Kali adbudziecca sud, jon nie skazaŭ. Nia vyklučana, što j siońnia. Jon aznajomiŭ nas z zakanadaŭstvam, jakoje rehlamentuje praviadzieńnie mitynhaŭ i pikietavańniaŭ. Ź jaho vynikaje, što my vinavatyja va ŭdziele ŭ niesankcyjanavanym pikiecie».
16 studzienia dziasiatak aktyvistaŭ vyjšli na piešachodnuju vulicu Leninskuju i praviali akcyju salidarnaści z palitźniavolenymi. U rukach kožny z udzielnikaŭ trymaŭ partrety byłych kandydataŭ u prezydenty, ich davieranych asobaŭ dy hramadzkich aktyvistaŭ, aryštavanych u dzień i paśla prezydenckich vybaraŭ.
Razdavali pikietoŭcy minakam i hazetu «Nia bojsia», pryśviečanuju palitźniavolenym. Za pikietam sačyli i zdymali jaho na videa milicyjanty, ale razahnać nie sprabavali.
Na nastupny dzień pieršym vyklikali na dopyt Valancina Łabačova. Da Natalli Škadun milicyjant pryjšoŭ na pracu.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary