Kanstytucyjnaja rada pryznała niezakonnymi pryniatyja parłamientam papraŭki ŭ kanstytucyju ab padaŭžeńni paŭnamoctvaŭ Nazarbajeva da 2020 h.
Prezident Kazachstana Nursułtan Nazarbajeŭ abviaściŭ pra praviadzieńnie ŭ Kazachstanie daterminovych vybaraŭ kiraŭnika dziaržavy.
Ranicaj u paniadziełak, stała viadoma, što kanstytucyjnaja rada (KR) Kazachstana pryznała zamienu prezidenckich vybaraŭ na refierendum ab padaŭžeńni paŭnamoctvaŭ dziejnaha kiraŭnika dziaržavy Nursułtana Nazarbajeva niezakonnaj. Na dumku śpiecyjalistaŭ viedamstva, takaja zamiena nie adpaviadaje hałoŭnamu zakonu krainy.
«Kanstytucyjnaja Rada pastanaŭlaje pryznać zakon „Ab uniasieńni źmianieńniaŭ i dapaŭnieńniaŭ u Kanstytucyju“, pryniaty parłamientam 14 studzienia 2011 h., nie adpaviednym Kanstytucyi Kazachstana», — zajaviŭ staršynia KR Ihar Rohaŭ. Pavodle jaho słovaŭ, hetaje rašeńnie było pryniataje «z pryčyny niedakładnaści farmulovak».
«Pryznany nie adpaviednym Kanstytucyi Kazachstana zakon „Ab uniasieńni źmianieńniaŭ i dapaŭnieńniaŭ u Kanstytucyju Kazachstana“ nie moža być padpisany i ŭviedzieny ŭ dziejańnie», — udakładniŭ Rohaŭ.
Pastanova Rady nie padlahaje abskardžańniu i ŭstupaje ŭ siłu z dnia jaho pryniaćcia.
Adznačym, što ideju padoŭžyć paŭnamoctvy Nazarbajeva na refierendumie, pad jakoj padpisalisia bolš za pałovu ŭsich vybarščykaŭ krainy, raskrytykavali na Zachadzie, a taksama pradstaŭniki kazachskaj apazicyi, nazvaŭšy procidziejańnie Nazarbajeva «voli naroda» pakaznoj.
Ciapierašni termin paŭnamoctvaŭ Nursułtana Nazarbajeva minaje ŭ 2012 h.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč37
Kamientary