Ministerstva adukacyi źmienšyć kolkaść zavočnikaŭ udvaja

Ministerstva adukacyi płanuje skaracić pryjom na zavočnaje navučańnie ŭ VNU amal u dva razy. Miž tym sposab atrymańnia viedaŭ na adlehłaści vielmi papularny ŭ biełarusaŭ i nabiraje abaroty za miažoj. Jakija pretenzii ŭ čynoŭnikaŭ da zavočnikaŭ i chto ciapier zmoža trapić u ich lik?

Kolkaść zavočnikaŭ pamienšycca za try hady

Zavočnaje navučańnie ŭ Biełarusi atrymała hipiertrafavanaje raspaŭsiudžańnie, asabliva ŭ pryvatnych VNU, ličać u Minadukacyi. Žorstkija krytery adboru isnujuć tolki pry atrymańni adukacyi zavočna za košt srodkaŭ biudžetu — prymajucca vypuskniki siarednich śpiecyjalnych navučalnych ustanovaŭ, jakija majuć adukacyju pa vybranym profili abo asoby, jakija pracujuć pa profili abranaj śpiecyjalnaści, a taksama tyja, chto atrymaŭ pieršuju vyšejšuju adukacyju na ŭmovach apłaty i pracuje pa profili abranaj śpiecyjalnaści. A voś kali vučycca zavočna za ŭłasnyja hrošy, to možna pracavać pradaŭcom, a atrymlivać piedahahičnuju adukacyju i naadvarot.

Na niadaŭniaj kalehii pieršy namieśnik ministra adukacyi Alaksandr Žuk padkreśliŭ, što pavinny vykonvacca razumnyja praporcyi pamiž dzionnaj i zavočnaj formami atrymańnia adukacyi.

— U vyniku abmierkavańnia pytańnia z rektarami VNU vyrašana, što kolkaść zavočnikaŭ pavinnaja być skaročanaja da 30–40% ad kolkaści navučencaŭ VNU,

Ciapier kala 60% studentaŭ biełaruskich VNU atrymlivajuć adukacyju zavočna.

Zavočniki nie radujuć Minadukacyi dobrymi viedami

— Adsutnaść dobra arhanizavanaha navučalnaha pracesu i kantrolu pryviało da taho, što hetaja forma źjaŭlajecca mienš efiektyŭnaj, čym dzionnaja, — padkreślivaje pieršy namieśnik ministra adukacyi.

Pra heta śviedčać vyniki apošniaj pravierki departamienta kantrolu jakaści ministerstva, jakaja pravodziłasia siarod studentaŭ-zavočnikaŭ 5 i 6 kursaŭ, jakija navučajucca pa śpiecyjalnaściach «ekanomika» i «pravaznaŭstva». Pa słovach namieśnika ministra, jany «źjaŭlajucca najbolš papularnymi».

Dla stanoŭčaj adznaki nieabchodna było adkazać na 12% pytańniaŭ. Stanoŭčyja adznaki pa ekanomicy atrymali tolki 43% padyspytnych, a pa pravaznaŭstvie — 20%.

Lepšyja vyniki byli ŭ tych, chto da navučańnia ŭ VNU skončyŭ SSNU pa toj ža śpiecyjalnaści. Naprykład, pa śpiecyjalnaści «buchulik» i «finansavy aŭdyt» 75% studentaŭ mieli dypłom ab siarednietechničnaj adukacyi. Mienavita ŭ ich byŭ dastatkova vysoki vynik pry prachodžańni kantrolnaha testavańnia.

Čynoŭniki Minadukacyi pryjšli da vysnovy ab nieabchodnaści «adradzić pieršapačatkovy sens zavočnaj adukacyi jak adukacyi biez adryvu ad vytvorčaści z metaj pavyšeńnia kvalifikacyi biez adryvu ad vytvorčaści».

Letaś staršynia pastajannaj kamisii Pałaty pradstaŭnikoŭ pa adukacyi, kultury, navucy i navukova-techničnym prahresie Uładzimir Zdanovič prapanoŭvaŭ naohuł admianić zavočnaje navučańnie, bo, na jaho dumku, hetaja forma «adžyła». Hałoŭny arhumient Uładzimira Zdanoviča byŭ takim ža, jak i ciapier u Minadukacyi: jakaść padrychtoŭki studentaŭ-zavočnikaŭ značna sastupaje ŭzroŭniu viedaŭ słuchačoŭ dzionnych adździaleńniaŭ VNU.

• 0
• 0
• 0
• 0
• 0
• 0
• 0
• 0