Biełaruskaja i ŭkrainskaja milicyja vykryła sietku vyrablalnikaŭ dziciačaj parnahrafii

Supracoŭniki ŭpraŭleńnia pa narkakantroli i supraćdziejańni handlu ludźmi MUS Biełarusi dapamahli ŭkrainskim kaleham spynić dziejnaść hrupy asob, datyčnych da vyrabu i raspaŭsiudžvańnia praź internet dziciačaj parnahrafii.

Jak paviedamiła ŭpraŭleńnie infarmacyi i hramadskich suviaziaŭ MUS Biełarusi, dla svajoj dziejnaści złačyncy vykarystoŭvali sacyjalnyja sietki.

«Praviarajučy apieratyŭnuju infarmacyju, my natknulisia na karystalnika z ulikovym zapisam „Alaksiej Jurjeŭ“. Na jaho internet-staroncy ŭbačyli nastupnuju abjavu: „Hatovy pradastavić chłopčykaŭ 12–17 hadoŭ dla ŭdziełu ŭ zdymcy parnahrafičnaha charaktaru“. Krychu nižaj znachodziŭsia rolik adpaviednaha źmiestu, — paviedamiŭ načalnik adździeła pa supraćdziejańni miždziaržaŭnamu handlu ludźmi MUS Dźmitryj Cajun. — Tut ža byli raźmieščany kantakty dla zakazaŭ: ukrainski numar telefona i adras elektronnaj skryni. Kab raźviejać usie sumnieńni nakont datyčnaści biełaruskich hramadzian da hetaha, my pradoŭžyli pravierku».

Chutka było ŭstanoŭlena, što pad psieŭdanimam Alaksiej Jurjeŭ infarmacyju raźmiaściŭ žychar Nikałajeva, jaki byŭ dyrektaram adnaho ź dziciačych dabračynnych fondaŭ. Pad prykryćciom zakonnaj pradprymalnickaj dziejnaści mužčyna vierbavaŭ małaletnich chłopčykaŭ dla vyrabu videa i fatahrafij ź ich udziełam.

Sabranyja materyjały byli pieradadzieny ŭkrainskim pravaachoŭnym orhanam. Jany paźniej ustanavili i zatrymali dvuch chaŭruśnikaŭ arhanizatara — śviatara adnoj z relihijnych siekt i biespracoŭnaha, jakija, karystajučysia biezdapamožnym stanam małaletnich, razbeščvali ich. Na hety momant užo ŭstanoŭlena 19 dziaciej, jakich prymušali da ŭdziełu ŭ vyrabie pornamateryjałaŭ.

Internet-staronku na sacyjalnym sajcie zakryli. U vyniku rasśledavańnia stała viadoma, što ni siarod złačyncaŭ, ni siarod achviaraŭ biełarusaŭ niama. U dačynieńni da zatrymanych raspačaty spravy na padstavie č. 4 art. 301 (uvoz, vyrab, zbyt abo raspaŭsiudžvańnie parnahrafičnych pradmietaŭ) i č. 3 art. 153 (nasilnaje zadavalnieńnie pałavoj straści nienaturalnym sposabam) Kryminalnaha kodeksa Ukrainy, za jakija jany mohuć atrymać adpaviedna da 10 i da 12 hadoŭ pazbaŭleńnia voli.

Na dniach ministru ŭnutranych spraŭ Biełarusi Anatolu Kulašovu pryjšoŭ list ad ukrainskaha kalehi Anatola Mahilova z padziakaj za dapamohu i supracoŭnictva.

• 0
• 0
• 0
• 0
• 0
• 0
• 0
• 0