13 lutaha telekanał «Ład» pradstavić hledačam novy farmat prahramy — prajekt «Naviny nadvorja».
13 lutaha telekanał «Ład» pradstavić hledačam novy farmat prahramy pra nadvorje. Jak paviedamlajepres-słužba Biełteleradyjokampanii, prajekt «Naviny nadvorja» źmienić u viačernim efiry niadzielny vynikovy vypusk prahramy «Telebaromietr».
Novy prajekt źmienić imidž, hrafiku, siužety, padaču materyjału, niaźmiennymi zastanucca tolki tema nadvorja i viadučaja prajekta Śviatłana Pankratava.
U adroźnieńnie ad «Telebaromietra», jaki zdymaŭsia ŭ Bataničnym sadzie, štotydniovaja vynikovaja prahrama «Naviny nadvorja» budzie vychodzić u studyi navinaŭ. Heta abumoŭlena nie tolki ahulnym abnaŭleńniem kancepcyi, ale i pašyreńniem śpiektra pytańniaŭ. Tak, u novym prajekcie źjavicca infarmacyja pra nadvorje nie tolki ŭ abłaściach, ale i ŭ rajcentrach. Aprača tradycyjnych rubryk buduć vychodzić i siužety karespandentaŭ. Telehledačam raskažuć ab upłyvie nadvorja na zdaroŭje čałavieka, narodnych prykmietach i miesiacavym kalendary, daduć siezonnyja rekamiendacyi pa pasadcy i zbory ŭradžaju. Letam płanujecca paviedamlać ab nadvorji na papularnych kurortach.
Źmienicca taksama hrafičnaja ŭpakoŭka prahramy, u jakoj buduć abyhryvacca čatyry pary hoda, i vobraz samoj viadučaj. Aprača taho, redakcyja «Navinaŭ nadvorja» «płanuje ŭstanavić bolš ciesny kantakt sa svajoj aŭdytoryjaj i pry stvareńni vypuskaŭ maksimalna ŭličvać pažadańni telehledačoŭ».
***
«Telebaromietr» vychodziŭ u efir ad 1997 h. i byŭ ulubionaj pieradačaj mnohich hledačoŭ na biełaruskim telebačańni.
Prahrama raspaviadła nie tolki pra nadvorje, ale i pra klimatyčnyja tendencyi. Cudoŭnaj rubrykaj byŭ "Narodny kalandar" pra narodnyja tradycyi, zvyčai i prykmiety.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja77
Kamientary