U apošnija hady va Uzbrojenych siłach Biełarusi nazirajecca ŭstojlivaja tendencyja rostu liku žančyn-vajennasłužačych. Kali ŭ 2005 hodzie ich kolkaść składała mienš jak 4 tysiačy, to ŭ 2010 hodzie ŭžo amal 4,5 tysiačy, ci bolš za 8% ad ahulnaj kolkaści armii.
Pra heta paviedamiła
pres-słužba Ministerstva abarony.
Ciapier va Uzbrojenych siłach słužać bolš za 400 aficeraŭ-žančyn (u 2010 hodzie ŭpieršyniu dvum ź ich było prysvojena voinskaje zvańnie «pałkoŭnik»), bolš za 1.000 praparščykaŭ i kala 3 tysiač sałdat i siaržantaŭ, jakija prachodziać słužbu pa kantrakcie.
Pieravažnaja bolšaść aficeraŭ-žančyn prachodziać słužbu na pasadach vajennych uračoŭ, psichołahaŭ, pierakładčykaŭ, jurystaŭ. Niekatoryja ŭznačalvajuć adździaleńni ŭ vajennych kamisaryjatach. Ale ich słužbovaja dziejnaść nie abmiažoŭvajecca tolki hetymi śpiecyjalnaściami. Pieralik vajenna-ŭlikovych śpiecyjalnaściaŭ aficerskaha składu Uzbrojenych sił praduhledžvaje mahčymaść prachodžańnia žančynami voinskaj słužby na pasadach kamandnaha, inžyniernaha, techničnaha, vajenna-humanitarnaha, ideałahičnaha, piedahahičnaha i miedycynskaha profilaŭ. Razam z tym, žančyny-vajennasłužačyja nie mohuć pryznačacca na peŭnyja pasady, a taksama prachodzić słužbu ŭ padraździaleńniach, jakija majuć na ŭzbrajeńni ciažkuju braniatechniku — tanki, bajavyja mašyny piachoty.
Siońnia ŭ vajennych navučalnych ustanovach vučacca 23 dziaŭčyny. 20 ź ich vučacca ŭ Vajennaj akademii (12 — na fakultecie suviazi i ASK, vosiem — na avijacyjnym fakultecie). Pryčym na avijacyjnym fakultecie try dziaŭčyny-kursanty asvojvajuć lotnyja śpiecyjalnaści, a astatnija — inžyniernyja. U 2011 hodzie siarod vypusknikoŭ avijacyjnaha fakulteta ŭpieršyniu budzie dziaŭčyna — vajenny piłot. Try dziaŭčyny-kursanty vučacca na vajennym fakultecie ŭ Biełaruskim dziaržaŭnym univiersitecie.
Padrychtoŭka žančyn-praparščykaŭ z 2003 hoda viadziecca i na bazie 72-ha Abjadnanaha navučalnaha centra padrychtoŭki praparščykaŭ i małodšych śpiecyjalistaŭ Uzbrojenych sił.
Kamientary