Vynik raściažak? Palitviazień Bułanaŭ trapiŭ u špital z rymatusam, u Sańnikava balać sustavy
10 sakavika Dźmitryja Bułanava pieraviali ŭ špital z «Vaładarki». Jon nie moh narmalna chadzić.
10 sakavika fihuranta spravy «ab masavych biesparadkach» Dźmitryja Bułanava pieraviali ŭ špital z «Vaładarki».Jon nie moh narmalna chadzić. Jak paviedamiła «Našaj Nivie» maci palitviaźnia, Kłaŭdzija Bułanava, jaje synu pastaŭleny dyjahnaz — paŭtornaja reŭmatyčnaja lichamanka. Niahledziačy na heta, žančynie
«Ja viedaju tolki, što jon u špitali. Pieraviali tudy 10 sakavika. Moj syn užo chadzić nie moh samastojna.
Kali advakat apošni raz prychodziła da jaho, to Dźmitryju davali admysłovyja leki, kab jon moh samastojna dajści na sustreču», — kaža žančyna.
Zaraz nieviadoma, jak doŭha Dźmitryj Bułanaŭ prabudzie u špitali. Lekavańnie moža praciahnucca ad 4 da 6 tydniaŭ, adnak jaho los zaležyć ad voli śledčych.
Maci Dźmitryja raskazvaje, što chvaroba syna vyklikanaja ŭmovami ŭtrymańniaŭ SIZA: «U Dzimy takoje zachvorvańnie było ŭžo ŭ 2001 hodzie. Jamu nielha było paśla jaho pieraachałodžvacca. A jakija ŭmovy na Vaładarcy? Choład, skraźniaki. Ja niekatory čas nie mahła jamu leki nieabchodnyja pieradavać, ciopłyja rečy. Zaraz isnuje vierahodnaść taho, što lichamanka pieraraście ŭ endakardyt, a heta ŭžo vielmi surjozna».
Tym časam śledstva ličyć, što ŭ dačynieńni da ciažka chvoraha viaźnia nielha prymianić padpisku ab niavyjeździe. Kłaŭdzii Bułanavaj patłumačyli, što jaje syn «asabliva niebiaśpiečny złačynca, jaki ździejśniŭ ciažkoje złačynstva i lekavańnia nie patrabuje». Žančynie navat nie dazvalajuć pabačyć Dźmitryja.
Tym časam maci kandydata ŭ prezidenty Andreja Sańnikava atrymała ad syna list. Jon napisaŭ, što ŭ jaho «mocnyja boli u sustavach, kštałtu padahry», — raskazała Ała Uładzimiraŭna sajtu charter97.org.
Kamientary