Uha Čavies suprać silikonavych vieniesuełak

Prezident Vieniesueły Ŭha Čavies vystupiŭ z krytykaj płastyčnych chirurhaŭ, jakija pierakonvajuć žančyn u nieabchodnaści apieracyj pa pavieličeńni hrudziej.

Vystupajučy ŭ vychodnyja na dziaržaŭnym telekanale, prezident Vieniesueły nazvaŭ prapahandu płastyčnaj chirurhii «ahidnaj źjavaj». Mnohija žančyny ź ciažkaściami zvodziać kancy z kancami, sprabujučy sabrać hrošaj na apieracyju, z abureńniem adznačyŭ prezident.

Źviarnucca da prablem płastyčnaj chirurhii Čaviesa prymusiŭ list adnoj ź jaho prychilnic, jakaja prasiła nacyjanalnaha lidara dapamahčy joj pavialičyć hrudzi. Žančynie nie chapała na apieracyju 7 tysiač dalaraŭ. «Viadoma, ja adchiliŭ hetuju prośbu», — paviedamiŭ Čavies.

Vieniesuelski lidar abrynuŭ svoj hnieŭ i na daktaroŭ. «Mienavita miedyki ŭsialajuć u našych žančyn dumku ab tym, što kali ŭ jaje nie budzie vialikich hrudziej, joj ad hetaha budzie drenna», — skazaŭ jon.

Vystup Čaviesa vyklikaŭ aktyŭnuju palemiku ŭ miascovaj presie.

Apazicyjnaje vydańnie El Nacional nazvała jaho zajavu retrahradnaj, hrubaj, militarysckaj i represiŭnaj,

Miž tym, praŭradavyja vydańni pišuć pra toje, što moda na płastyčnuju chirurhiju ŭ Vieniesuele časta prymaje vyrodlivyja formy. U pryvatnaści, zabiaśpiečanyja baćki niaredka «dorać» svaim dočkam hrudnyja impłantaty z na paŭnalećcie.

Vieniesuelski rynak płastyčnaj chirurhii — adzin z samych chutkarosłych u śviecie. Pavodle prybliznych padlikaŭ Tavarystva płastyčnych chirurhaŭ Vieniesueły,

štohod u krainie pravodzicca ad 30 da 40 tysiač apieracyj pa pavieličeńni hrudziej.

Jak adznačaje The New York Times, Karakas milhaje rekłamnymi raściažkami z telefonami płastyčnych chirurhaŭ, a banki anansujuć vydaču śpiecyjalnych kredytaŭ na płastyčnyja apieracyi. Prapahanda razharnułasia i ŭ internet-błohach, dzie pijarščyki płastyki śpiekulujuć na vyhladzie ŭdzielnic konkursu «Mis Vieniesueła».

A adzin z kandydataŭ u Nacyjanalny schod Vieniesueły Hustava Rochas u minułym hodzie sprabavaŭ finansavać svaju kampaniju z dapamohaj rozyhryšu kuponaŭ na praviadzieńnie biaspłatnaj padciažki hrudziej. Praŭda, jon nie atrymaŭ pieramohi na vybarach.

Miž tym režysior-dakumientalist ź Ispanii Mirej Sałares, jakaja pryjechała ŭ Vieniesuełu, kab źniać film pra miascovych fieministak, adznačaje, što «ni ŭ adnoj krainie śvietu nie bačyła na vulicach stolki silikonu».

• 0
• 0
• 0
• 0
• 0
• 0
• 0
• 0