Прэзідэнт Венесуэлы назваў прапаганду пластычнай хірургіі «агіднай з'явай»
Прэзідэнт Венесуэлы Ўга Чавес выступіў з крытыкай пластычных хірургаў, якія пераконваюць жанчын у неабходнасці аперацый па павелічэнні грудзей.
Выступаючы ў выходныя на дзяржаўным тэлеканале, прэзідэнт Венесуэлы назваў прапаганду пластычнай хірургіі «агіднай з’явай». Многія жанчыны з цяжкасцямі зводзяць канцы з канцамі, спрабуючы сабраць грошай на аперацыю, з абурэннем адзначыў прэзідэнт.
Звярнуцца да праблем пластычнай хірургіі Чавеса прымусіў ліст адной з яго прыхільніц, якая прасіла нацыянальнага лідара дапамагчы ёй павялічыць грудзі. Жанчыне не хапала на аперацыю 7 тысяч даляраў. «Вядома, я адхіліў гэтую просьбу», — паведаміў Чавес.
Венесуэльскі лідар абрынуў свой гнеў і на дактароў. «Менавіта медыкі ўсяляюць у нашых жанчын думку аб тым, што калі ў яе не будзе вялікіх грудзей, ёй ад гэтага будзе дрэнна», — сказаў ён.
Выступ Чавеса выклікаў актыўную палеміку ў мясцовай прэсе.
Апазіцыйнае выданне El Nacional назвала яго заяву рэтраграднай, грубай, мілітарысцкай і рэпрэсіўнай,папракнуўшы прэзідэнта ў спробе абмежаваць права жанчын самім распараджацца сваім целам.
Між тым, праўрадавыя выданні пішуць пра тое, што мода на пластычную хірургію ў Венесуэле часта прымае выродлівыя формы. У прыватнасці, забяспечаныя бацькі нярэдка «дораць» сваім дочкам грудныя імплантаты з на паўналецце.
Венесуэльскі рынак пластычнай хірургіі — адзін з самых хуткарослых у свеце. Паводле прыблізных падлікаў Таварыства пластычных хірургаў Венесуэлы,
штогод у краіне праводзіцца ад 30 да 40 тысяч аперацый па павелічэнні грудзей.
Як адзначае The New York Times, Каракас мільгае рэкламнымі расцяжкамі з тэлефонамі пластычных хірургаў, а банкі анансуюць выдачу спецыяльных крэдытаў на пластычныя аперацыі. Прапаганда разгарнулася і ў
А адзін з кандыдатаў у Нацыянальны сход Венесуэлы Густава Рохас у мінулым годзе спрабаваў фінансаваць сваю кампанію з дапамогай розыгрышу купонаў на правядзенне бясплатнай падцяжкі грудзей. Праўда, ён не атрымаў перамогі на выбарах.
Між тым
Цяпер чытаюць
Бліжэйшым часам будуць вызвалены больш за 150 палітзняволеных26
Каментары