Paznajomilisia chłopiec i dziaŭčyna ŭ pazaminułym hodzie. Spačatku dziaŭčyna (na toj čas studentka) była nie suprać sustreč. Ale ž, jak viadoma, žančyny — vielmi pieramienlivyja asoby. Kali paru razoŭ admoviłasia ad čarhovaj sustrečy, chłopiec pačaŭ raŭnavać.
Kab być zaŭsiody ŭ «kursie» (na jakija numary telefanuje dziaŭčyna i naadvarot), jon skarystaŭsia płatnaj pasłuhaj«Internet-pamočnik» , jakuju mabilnaja kampanija akazvaje za dadatkovuju płatu.
Kab padklučyć mabilny telefon dziaŭčyny da hetaj pasłuhi, adnojčy zaprasiŭ jaje razam adpačyć na pryrodzie. I padmanam na niejki čas skarystaŭsia telefonam kachanaj. U vyniku atrymlivaŭ usiu nieabchodnuju infarmacyju na svoj elektronny paštovy adras.
Darečy, vyśvietliŭsia padman vypadkova. Dziaŭčyna adnojčy zaŭvažyła, što stała płacić za pasłuhi mabilnaj suviazi bolš. Źviarnułasia pa tłumačeńni ŭ ofis apieratara mabilnych pasłuh. Joj rastłumačyli, što numar jaje mabilnika padklučany da vielmi zručnaj pasłuhi. Dziaŭčyna źviarnułasia ŭ milicyju.
Jak paviedamiła «Źviaździe» Natalla Fiedarenka, namieśnik načalnika adździeła pa nahladzie za śledstvam u orhanach unutranych spraŭ prakuratury Viciebskaj vobłaści, zaviedziena kryminalnaja sprava. Raŭniviec adkaža za niesankcyjanavany dostup da kampjutarnaj infarmacyi i za niesankcyjanavanaje kapijavańnie infarmacyi, jakaja zachoŭvajecca ŭ kampjutary.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary