U Niaśvižy pjany baćka biez pravoŭ kataŭ na matacykle svaju dačku
U Niaśvižy 10 krasavika kala 14:30 supracoŭniki DAI zaŭvažyli matacykł Kawasaki ZX600, jaki ruchaŭsia ź vidavočna niebiaśpiečnaj chutkaściu, paviedamlaje pres-słužba DAI Minskaj vobłaści.
Daišniki pačali pieraśled matacykła i nieadnarazova patrabavali spynicca, ale kiroŭca sprabavaŭ uciačy. Adnak ža praź niekalki chvilin jon nie spraviŭsia z kiravańniem i ŭpaŭ na prajeznaj častcy kala skryžavańnia.
Jak vyśvietliłasia, za rulom znachodziŭsia 40‑hadovy miascovy žychar, jaki byŭ u stanie ałkaholnaha apjanieńnia. Ekśpiertyza zaśviedčyła ŭ jahonaj kryvi 1,02 pramile ałkaholu.
Najbolš niebiaśpiečnym było toje, što razam ź im jechała jaho 14‑hadovaja dačka.
U vyniku na mužčynu skłali pratakoł za kiravańnie ŭ niećviarozym stanie i biez paśviedčańnia kiroŭcy, a taksama pa inšych administracyjnych parušeńniach. Na matacykł nakłali aryšt i źmiaścili jaho na stajanku pad achovaj.
Kamientary