Mižnarodny dzień cyhanoŭ (International Roma (Gypsy) Day) byŭ zasnavany na pieršym Suśvietnym cyhanskim kanhresie, jaki adbyŭsia ŭ Łondanie 8 krasavika 1971 hoda i sabraŭ pradstaŭnikoŭ z 30 krain.U vyniku byli pryniatyja nacyjanalnyja simvały: ściah i himn, što dazvoliła cyhanam śvietu pryznać siabie adzinaj svabodnaj nacyjaj.
Pieršaja zhadka pra cyhanoŭ u biełaruskich chronikach datavanaja 1501 hodam, kali cyhanski važak Vasil atrymaŭ achoŭnuju hramatu ad vialikaha kniazia litoŭskaha Alaksandra Kazimiraviča.
Siońnia kolkaść cyhanskaha nasielnictva ŭ śviecie aceńvajecca ŭ 8–10 miljonaŭ čałaviek. Śpiecyjalisty vyznačajuć šeść asnoŭnych halinaŭ cyhanoŭ: try zachodnija i try ŭschodnija. Da zachodnich adnosiać roma (samanazva cyhanoŭ), sinci i ibieryjskich cyhanoŭ; da ŭschodniaj hrupy adnosiać luli, łom i dom. Akramia taho, isnujuć drobnyja cyhanskija hrupy.
U Jeŭropie isnuje šerah etnahrafičnych hrupaŭ, blizkich pavodle ładu žyćcia da cyhanoŭ, adnak inšaha pachodžańnia — u pryvatnaści, irłandskija trevielers, centralnajeŭrapiejskija jenišy. Miascovyja ŭłady, jak praviła, razhladajuć ich jak raznavidnaść cyhan, a nie jak asobnyja etnasy.
Na tydni, u jaki ŭvachodzić 8 krasavika, u mnohich krainach pravodziacca Mižnarodnyja cyhanskija fiestyvali. Na ich ładziacca fotavystavy, kinapakazy, pracujuć śpiecyjalnyja kłasy pa teatralnym mastactvie, śpievach i tancach, prachodziać kancerty.
Ciapier čytajuć
Babaryka dakładna nie viedaje, jak atrymaŭ traŭmy ŭ kałonii, bo byŭ biez prytomnaści2
Kamientary