Міжнародны дзень цыганоў (International Roma (Gypsy) Day) быў заснаваны на першым Сусветным цыганскім кангрэсе, які адбыўся ў Лондане 8 красавіка 1971 года і сабраў прадстаўнікоў з 30 краін.У выніку былі прынятыя нацыянальныя сімвалы: сцяг і гімн, што дазволіла цыганам свету прызнаць сябе адзінай свабоднай нацыяй.
Першая згадка пра цыганоў у беларускіх хроніках датаваная 1501 годам, калі цыганскі важак Васіль атрымаў ахоўную грамату ад вялікага князя літоўскага Аляксандра Казіміравіча.
Сёння колькасць цыганскага насельніцтва ў свеце ацэньваецца ў 8–10 мільёнаў чалавек. Спецыялісты вызначаюць шэсць асноўных галінаў цыганоў: тры заходнія і тры ўсходнія. Да заходніх адносяць рома (саманазва цыганоў), сінці і іберыйскіх цыганоў; да ўсходняй групы адносяць люлі, лом і дом. Акрамя таго, існуюць дробныя цыганскія групы.
У Еўропе існуе шэраг этнаграфічных групаў, блізкіх паводле ладу жыцця да цыганоў, аднак іншага паходжання — у прыватнасці, ірландскія трэвелерс, цэнтральнаеўрапейскія енішы. Мясцовыя ўлады, як правіла, разглядаюць іх як разнавіднасць цыган, а не як асобныя этнасы.
На тыдні, у які ўваходзіць 8 красавіка, у многіх краінах праводзяцца Міжнародныя цыганскія фестывалі. На іх ладзяцца фотавыставы, кінапаказы, працуюць спецыяльныя класы па тэатральным мастацтве, спевах і танцах, праходзяць канцэрты.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША31
Каментары