Ketryn Eštan zaklikała ŭłady Biełarusi nieadkładna spynić praśledavańni niezaležnych žurnalistaŭ
Viarchoŭny pradstaŭnik Jeŭrasajuza pa zamiežnych spravach i palitycy biaśpieki Ketryn Eštan vykazała «hłybokuju zaniepakojenaść» u suviazi z zatrymańniem hrodzienskaha žurnalista Andreja Pačobuta i pradjaŭlenymi jamu abvinavačańniami.
Pra heta havorycca ŭ raspaŭsiudžanaj 10 krasavika
Jak ličyć kiraŭnik jeŭrapiejskaj dypłamatyi, represii ŭ dačynieńni da hrodzienskaha žurnalista — «jašče adzin prykład parušeńniaŭ uładami Biełarusi pravoŭ čałavieka, jakija praciahvajucca paśla prezidenckich vybaraŭ 19 śniežnia 2010 hoda «.
«ES rašuča asudžaje ŭsie praśledavańni, aryšty i zapałochvańni pradstaŭnikoŭ biełaruskich niezaležnych ŚMI, a taksama parušeńni fundamientalnych pravoŭ čałavieka, takich, jak svaboda vykazvańnia mierkavańniaŭ, svaboda schodu i srodkaŭ masavaj infarmacyi», — havorycca ŭ zajavie viarchoŭnaha pradstaŭnika ES pa zamiežnych spravach i palitycy biaśpieki.
Ad imia Jeŭrasajuza jana zaklikała biełaruskija ŭłady «nieadkładna spynić praśledavańni niezaležnych žurnalistaŭ za paklop i pa inšych palityčnna matyvavanych abvinavačańniach».
Eštan taksama zaklikała ŭłady Biełarusi «ŭ poŭnaj miery supracoŭničać z pradstaŭnikami ABSIE pa pytańniach svabody ŚMI».
Hrodzienski žurnalist Andrej Pačobut, jaki źjaŭlajecca karespandentam polskaj «Haziety vybarčaj i aktyvistam Sajuza palakaŭ na Biełarusi, jaki padtrymlivaje Varšava (nie maje rehistracyi ŭ biełaruskim Miniuście), byŭ zatryman 6 krasavika na troje sutak za parušeńnie padpiski ab niavyjeździe. Pačobut źbiraŭsia ŭ Minsk dla ŭdziełu ŭ videakanfierencyi z deputatami Jeŭraparłamienta, kab raskazać ab praśledavańniach z boku biełaruskich uładaŭ.
8 krasavika stała viadoma, što žurnalist zastaniecca pad vartaj da suda. U dačynieńni da jaho raspačatyz spravy pa dvuch artykułach Kryminalnaha kodeksa — 367 (paklop u dačynieńni da prezidenta Respubliki Biełaruś) i 368 (źniavaha prezidenta Respubliki Biełaruś). Maksimalnaje pakarańnie pa pieršym artykule — čatyry hady pazbaŭleńnia voli, pa druhim — dva hady. Abvinavačańnie ŭžo pradjaŭlena Pačobutu na padstavie artykuła 368 za publikacyi ŭ «Haziecie vybarčaj», na sajcie «Biełaruski partyzan» i na staroncy ŭ «Žyvym časopisie».
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary