Viazień Alaksandr Kłaskoŭski padčas spatkańnia z žonkaj Natallaj paćvierdziŭ toje, što kazaŭ pra «amerykanku» Aleś Michalevič. Razmova viaźnia z žonkaj adbyłasia padčas ich spatkańniaŭ u SIZA KDB. Natalla Kłaskoŭskaja:
«Jon paćvierdziŭ słovy Michaleviča. Skazaŭ: «Nataša, toje, što kazaŭ Michalevič — ŭsio praŭda». Jašče paviedamiŭ, što prychodziŭ da jaho čałaviek z prakuratury i pytaŭsia, ci jość u jaho skarhi. Saša heta acaniŭ tak: «Śmiešna. Kali b ja skazaŭ, što jość skarhi, to z taboj tut by nie siadzieŭ». Vidać, mieŭ na ŭvazie, što adbili b užo ŭsio, što mahčyma.
Jašče kazaŭ, što, kaniečnie, vinavaty pierad nami i što samy vialiki termin jamu pahražaje. Navat zadavaŭ pytańnie śledčamu, čamu taki vialiki termin? «Nu ładna, udzieł. Tut, maŭlaŭ, zhodzien z abvinavačańniem. A arhanizacyja? Jakoj ja arhanizatar?» Ale, kaža, śledčy ničoha navat nia moh adkazać."
Akramia ŭdziełu ŭ biesparadkaŭ Alaksandar Kłaskoŭski abvinavačvajecca ŭ inšych złačynstvach. Pad kurtku były milicyjant apranuŭ milicejski kiciel, što stała padstavaj abvinavacić jaho ŭ prysvajeńni ŭłady. Pry zatrymańni 21 śniežnia Alaksandr Kłaskoŭski byŭ mocna źbity specnazaŭcami. Svajaki miarkujuć, što jamu pomścili jak byłomu milicyjantu.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała13
Kamientary