U KDB, MUS i Hienprakuratury nie ŭdałosia atrymać aficyjnaha paćviardžeńnia hetaj infarmacyi.
U spravie ab terakcie ŭ minskim mietro 19 krasavika zatrymany novy padazravany. Jon dapamahaŭ u vyrabie vybuchoŭki. Pra heta sa spasyłkaj na krynicu ŭ pravaachoŭnych orhanach Biełarusi pieradaje Interfaks.
«Usiaho na dadzieny momant zatrymany 4 čałavieki. Heta hałoŭny vykanaŭca teraktu — jon ža stvaraŭ vybuchovaje prystasavańnie, — jaho naparnik, dziaŭčyna i novy padazravany, jaki zatrymany ŭ Viciebsku», — udakładniła krynica.
Pavodle hetaj krynicy, raźmieščanaja na adnym z navinavych partałaŭ infarmacyja pra zatrymanych z paznačeńniem proźviščaŭ nie va ŭsim adpaviadaje rečaisnaści.
«Try proźviščy adpaviadajuć dvum hramadzianam, to bok adzin z zatrymanych mieŭ u sacyjalnych sietkach nik, jaki pamyłkova pryniaty za proźvišča jašče adnaho čałavieka. Adsiul błytanina ŭ ličbach».
U KDB, MUS i Hienprakuratury nie ŭdałosia atrymać aficyjnaha paćviardžeńnia hetaj infarmacyi.
Kamientary