Pucin: 90% raźlikaŭ ź Biełaruśsiu ažyćciaŭlajecca ŭ rasijskich rublach
Prem'jer-ministr RF Uładzimir Pucin paviedamiŭ, što rubiel pastupova robicca reziervovaj valutaj na postsavieckaj prastory.
«Na postsavieckaj prastory rubiel umacoŭvajecca i robicca navat reziervovaj valutaj. Siońnia našyja ŭkrainskija partniory prosiać, kab my pierajšli da raźlikaŭ u rublach za enierhanośbity», — paviedamiŭ Pucin u parłamiencie, adkazvajučy na vystup lidaraŭ frakcyi. Akramia taho, pavodle jaho słovaŭ, ź Biełaruśsiu ŭ bieznajaŭnych raźlikach užo 80–90% ažyćciaŭlajecca ŭ rublach. «Voś vam i stvareńnie finansavaha centra ŭ Rasii», — skazaŭ Pucin, nahadaŭšy, što pra heta kazaŭ i prezident RF.
Pa słovach premjera, heta «nie efiemiernyja płany». «My ruchajemsia ŭ hetym napramku i realna damahajemsia vyniku», — skazaŭ kiraŭnik urada.
Pucin zajaviŭ, što Rasija nikoli nie budzie dla padtrymańnia svajoj ekanomiki vykarystoŭvać «chulihanskija» mietady drukavanaha stanka, jakija vykarystoŭvajucca ŭ ZŠA.
«Jany stanok uklučyli, dziaržablihacyi skuplajuć — a heta naŭprostaje finansavańnie ŭrada za košt drukavanaha stanka — i raskidvajuć na ŭsiu dalaravuju zonu, heta značyć, na ŭvieś śviet», — skazaŭ U. Pucin u Dziarždumie, adkazvajučy na zaŭvahu deputataŭ ad apazicyi z nahody pośpiechaŭ ekanomiki ZŠA.
Jak adznačyŭ premjer RF, «u nas z vami mahčymaści tak chulihanić niama i nie budzie najbližejšym časam». Pry hetym U. Pucin zapeŭniŭ, što Rasija budzie ŭmacoŭvać nacyjanalnuju valutu i zrobić jaje reziervovaj «dla našaha kusta, dla našaha rehijonu».
U jakaści dokazu ŭzmacnieńnia pazicyi rubla Pucin pryvioŭ prośbu ŭkrainskich partnioraŭ pierajści ŭ raźlikach za enierhanośbity na rubiel.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary