Pieršyja ziaziuli viarnulisia ŭ Biełaruś paśla zimoŭki,paviedamiŭ śpiecyjalist pa ekałahičnaj adukacyi hramadskaj arhanizacyi «Achova ptušak Baćkaŭščyny» (APB) Rusłan Šajkin.
«Ziaziula ličycca adnym ź viestunoŭ viasny, — adznačyŭ arnitołah. — Pa charakternamu kukavańniu hetu ptušku lohka adroźnić ad inšych, u toj ža čas ubačyć ziaziulu dastatkova składana. Heta skrytnaja i aściarožnaja ptuška».
Źniešnie ziaziula nahadvaje drobnaha jastraba. Heta adziny vid, jaki nie buduje hniozdy i nie vyvodzić ptušaniat. Svaje jajcy ziaziula padkładvaje ŭ hniozdy inšych ptušak.
APB prosić usich amataraŭ pryrody
paviedamlać ab miescach i časie nazirańnia ziaziul.Heta dapamoža bolš detalova vyvučyć raźmierkavańnie miaścin, jakija jany nasialajuć. Kožny, chto paviedamić ab sustrečy z hetymi ptuškami, nie tolki dapamoža vučonym u daśledavańniach, ale i padtrymaje ahulnajeŭrapiejskuju akcyju «Žyvaja viasna». U jakaści indykataraŭ nastupleńnia viasny vybrany piać vidaŭ ptušak: bieły busieł, viaskovaja łastaŭka, zvyčajnaja ziaziula, čorny stryž i załacisty ščur.
Hramadskaja arhanizacyja «Achova ptušak Baćkaŭščyny» — heta bujniejšaja pryrodaachoŭnaja hramadskaja arhanizacyja Biełarusi, jakaja pracuje ŭ halinie achovy bijaraznastajnaści i ekałahičnaj adukacyi. Arhanizacyja naličvaje bolš jak 2,7 tys. členaŭ, zvyš 120 školnych kłubaŭ «Kryłaty dazor» i 14 adździaleńniaŭ u roznych kutkach Biełarusi.-
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary