Uradženiec Vieraskava (Navahradčyna) adyšoŭ na 78-m hodzie žyćcia.
U noč z 5 na 6 červienia.
«Patryjarcha biełaruskaja fiłasofii» nie stała na 78 hodzie žyćcia.
Anatol Sidarevič pra Uładzimira Konana:
— 26 maja adbylisia «Uzvyšaŭskija čytańni». My čakali na ich i čałavieka, jaki zrabiŭ niamała dla viartańnia dobraha imia hetaha abjadnańnia. My čakali Uładzimira Konana, ale jon nie zdoleŭ pryjści. Dasłaŭ tolki svajo vystupleńnie.
Ja viedaŭ Uładzimira Konana z 1969 hoda, kali pracavaŭ u Kapylskaj rajonnaj haziecie. Tady spaŭniałasia 70 hadoŭ Adamu Babareku. Ja źviarnuŭsia da Uładzimira Michajłaviča, kab jon napisaŭ artykuł. Jon adhuknuŭsia. I dziakujučy jamu adbyłosia śviatkavańnie jubileju Babareki aficyjna na ŭzroŭni rajvykankama.
U 1972 hodzie Uładzimir Konan i Enhiels Daraševič vydali ŭ sieryi «Historyja estetyčnaj dumki SSSR» biełaruski tom. A letaś vyjšaŭ pieršy tom «Historyi estetyčnaj dumki Biełarusi» — heta jaho kapitalnaja praca, suma taho, što jon daśledavaŭ. I ja čakaju druhi tom. Dla mianie važna, ci paśpieŭ jon padrychtavać jaho da druku.
…Časta ŭ nas akademikami i členami-karespandentami stanoviacca ludzi, paśla śmierci jakich niama čaho pradjavić naščadkam. U adroźnieńnie ad Uładzimira Konana, jaki i nie byŭ ni akademikam, ni členam-karespandentam.
***
Uładzimir Konan naradziŭsia 23 krasavika 1934 hoda ŭ vioscy Vieraskava Navahrudskaha rajona. Biełaruski fiłosaf, litaraturaznaŭca, krytyk. Vypusknik histaryčnaha fakulteta BDU. Doktar fiłasofskich navuk pa śpiecyjalnaści «estetyka». Łaŭreat Dziaržaŭnaj premii Biełarusi ŭ 1984 hodzie za ŭdzieł u napisańni cykła kalektyŭnych manahrafij pa historyi fiłasofskaj i hramadska-palityčnaj dumki Biełarusi (apublikavany ŭ 1973-1980). Aŭtar prac «Raźvićcio estetyčnaj dumki ŭ Biełarusi (1917-1934 hh.)» (1968), «Ad Reniesansu da kłasiczmu» (1978), «Śviatło dla ludziej: Rodnaja mova i kultura ŭ epochu pierabudovy» (1989), «Śviatło paezii i cieni žyćcia: Liryka Maksima Bahdanoviča» (1991) i inšych.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Kamientary