Ураджэнец Вераскава (Наваградчына) адышоў на 78-м годзе жыцця.
У ноч з 5 на 6 чэрвеня.
«Патрыярха беларуская філасофіі» не стала на 78 годзе жыцця.
Анатоль Сідарэвіч пра Уладзіміра Конана:
— 26 мая адбыліся «Узвышаўскія чытанні». Мы чакалі на іх і чалавека, які зрабіў нямала для вяртання добрага імя гэтага аб’яднання. Мы чакалі Уладзіміра Конана, але ён не здолеў прыйсці. Даслаў толькі сваё выступленне.
Я ведаў Уладзіміра Конана з 1969 года, калі працаваў у Капыльскай раённай газеце. Тады спаўнялася 70 гадоў Адаму Бабарэку. Я звярнуўся да Уладзіміра Міхайлавіча, каб ён напісаў артыкул. Ён адгукнуўся. І дзякуючы яму адбылося святкаванне юбілею Бабарэкі афіцыйна на ўзроўні райвыканкама.
У 1972 годзе Уладзімір Конан і Энгельс Дарашэвіч выдалі ў серыі «Гісторыя эстэтычнай думкі СССР» беларускі том. А летась выйшаў першы том «Гісторыі эстэтычнай думкі Беларусі» — гэта яго капітальная праца, сума таго, што ён даследаваў. І я чакаю другі том. Для мяне важна, ці паспеў ён падрыхтаваць яго да друку.
…Часта ў нас акадэмікамі і членамі-карэспандэнтамі становяцца людзі, пасля смерці якіх няма чаго прад’явіць нашчадкам. У адрозненне ад Уладзіміра Конана, які і не быў ні акадэмікам, ні членам-карэспандэнтам.
***
Уладзімір Конан нарадзіўся 23 красавіка 1934 года ў вёсцы Вераскава Навагрудскага раёна. Беларускі філосаф, літаратуразнаўца, крытык. Выпускнік гістарычнага факультэта БДУ. Доктар філасофскіх навук па спецыяльнасці «эстэтыка». Лаўрэат Дзяржаўнай прэміі Беларусі ў 1984 годзе за ўдзел у напісанні цыкла калектыўных манаграфій па гісторыі філасофскай і грамадска-палітычнай думкі Беларусі (апублікаваны ў 1973-1980). Аўтар прац «Развіццё эстэтычнай думкі ў Беларусі (1917-1934 гг.)» (1968), «Ад Рэнесансу да класіцзму» (1978), «Святло для людзей: Родная мова і культура ў эпоху перабудовы» (1989), «Святло паэзіі і цені жыцця: Лірыка Максіма Багдановіча» (1991) і іншых.
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
-
У Мінску адкрыўся філіял Нацыянальнага мастацкага музея
-
Раман аўтара бестселераў Джона Грына выйдзе па-беларуску ў дзень сусветнай прэм’еры
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ7
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары