«Biełarusbank» abaraniaje ŭkładčykaŭ, padniaŭšy staŭki ŭ rublach da 24%
Jak paviedamlajeHeta tyčycca jak novaprymanych, tak i raniej pryniatych układaŭ, pa jakich nie parušana terminovaść. U zaležnaści ad vidu źbieražeńniaŭ pracentnyja staŭki pavialičany da 24%.pres-słužba «Biełarusbanka», z 9 červienia 2011 hoda bank pavysiŭ pracentnyja staŭki pa terminovych układach (depazitach) fizičnych asob u biełaruskich rublach.
Da 9% hadavych pavialičany staŭki pa terminovych depazitach u zamiežnaj valucie.
Układčykam, jakija majuć terminovyja depazity ŭ biełaruskich rublach i zamiežnaj valucie, pradastaŭlena prava z 15 červienia 2011 hoda daterminova skasavać dahavor bankaŭskaha ŭkładu i pieraaformić jaho na luby ź isnujučych vidaŭ terminovych układaŭ. Pry hetym vypłata pracentaŭ ažyćciaŭlajecca ŭ pamiery nazvanaj u dahavory pracentnaj staŭki bieź jaje źnižeńnia.
Bankam uniesieny źmianieńni ŭ paradak vypłaty ŭkładaŭ u zamiežnaj valucie. Pry niavypłacie sumy ŭkładu ŭ termin jaho viartańnia pracentny dachod budzie naličvacca pa toj pracentnaj staŭcy, jakaja abaznačana dahavoram z daty terminu viartańnia da daty faktyčnaj vypłaty ŭkładu.
Hetaja ž norma raspaŭsiudžvajecca i na ŭkłady, jakija byli zakryty paśla zakančeńnia terminu dahavora z 18 sakavika da 15 červienia 2011 hoda. Pa ich taksama budzie ažyćcioŭleny pieraraźlik pa asnoŭnaj staŭcy kankretnaha vidu ŭkładu ŭ poŭnym pamiery bieź jaje źnižeńnia. Srodki klijentu buduć vypłačany šlacham zaličeńnia na ŭkłady abo najaŭnymi.
Rašeńnie było pryniata «ŭ metach abarony intaresaŭ układčykaŭ». Jano nabyvaje moc 15 červienia 2011 hoda.
Śpiecyjalnaja prapanova zroblena tym, chto žadaje raźmiaścić hrošy na karotki adrezak času, — układ «Harantavany dachod» i aščadny siertyfikat terminam na 15 kalandarnych dzion sa staŭkaj dachodu ŭ pamiery 21% hadavych.
Padrabiaznaści možna daviedacca na sajcie «Biełarusbanka», u jaho strukturnych padraździaleńniach abo pa telefonie
Srodki fizičnych asob (z ulikam naličanych pracentaŭ) u AAB «Biełarusbank» na 1 maja 2011 hoda skłali 13 trłn. rubloŭ, u tym liku: 6,8 trłn. rubloŭ, 2,1 młrd. dołaraŭ ZŠA ŭ ekvivalencie. Varta adznačyć, što pa stanie na 1 krasavika ab`iom srodkaŭ fizičnych asob składaŭ 13,5 trłn. rubloŭ.
Varta adznačyć, što staŭka 24% našmat mienšaja i za ciapierašni temp devalvacyi rubla, i za tempy inflacyi ŭ krainie.
-
«Maja praca zhareła». Biełaruskija biznesy stracili tavar na składach Wildberries, ale majuć bolš šancaŭ na kampiensacyju, čym rasijanie
-
20 litraŭ u bak i nijakich kanistraŭ? Ci sapraŭdy na biełaruskich zapraŭkach na miažy z Rasijaj uviali limity na bienzin
-
Kitajski startap vypuściŭ ŠI-madel, jakaja abyšła amierykanskija anałahi
Kamientary