«U bitvach za volu, bitvach za dolu». Himn jak zaklik da ahulnanacyjanalnaj salidarnaści
Pratestoŭcy ŭ Bruzhach cytavali himn. Ci zaśpiavajuć himn u sieradu ŭ Minsku na Płoščy?
Kali minčuki zabłakavali centr horada, pratestujučy suprać pavyšeńnia cenaŭ, jany skandavali samaje prostaje: «Stop bienzin».Heta adbyvałasia ŭ miescach najbolšaje kancentracyi ludziej. Spantanny pratest haradzienskich prymiežnych handlaroŭ adznačyŭsia inakš.
Takoha raniej nie byvała: pratestoŭcy pad Hrodna tvar u tvar z amonam cytavali dziaržaŭny himn.
Słovy himna
«My — biełarusy, mirnyja ludzi, Sercam addanyja rodnaj ziamli…»
paradaksalna hučać z vusnaŭ tych, na kaho ŭłady sprabujuć pierakłaści vinu za ŭłasnuju chibnuju palityku, i chto navažyŭsia skazać «nie».
Prapahanda zaraz budzie sprabavać nastroić žycharoŭ centra suprać žycharoŭ pamiežža, tak, jak raniej nastrojvała siłavikoŭ suprać apazicyi.
Ja ŭjaviŭ sabie, jak hetyja abpalenyja soncam bienzinavozy, mužčyny i kabiety, vyvodziać: «U bitvach za volu, bitvach za dolu…» I pryhadaŭsia mnie płakat. Znakamity płakat Uładzimira Krukoŭskaha, namalavany ŭ 1980 hodzie.
Mastak chacieŭ na
Himn pajadnoŭvaje ludziej, niezaležna ad ich pierakanańniaŭ i movy. Jahony śpieŭ aznačaje: my ličym toje, što my robim, važnym dla cełaj nacyi.My chočam, kab dałučyłasia ŭsia kraina. Heta ahulnanarodnaja sprava.
Kaliści ŭ budučyni zahučać i «Mahutny Boža», i «My vyjdziem ščylnymi radami».
Pakul ža prostyja, zaturkanyja matańniami bienzinavozy nie znajšli lepšaha zakliku da ahulnanacyjanalnaj salidarnaści, jak himn. Narod mudry.
Ja ŭpeŭnieny, što himn ad haradziencaŭ padchopić Minsk.
Pabačym, ci toje zdarycca ŭžo ŭ sieradu ŭ Minsku na Płoščy. Nahadajem, tam štosierady źbirajecca moładź z maŭklivym patrabavańniem pieramien.
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
-
Statkievič źvinavaciŭ łukašystaŭ u etnacydzie i nazvaŭ procijadździe jamu
Ciapier čytajuć
Łukašenka paraiŭ uźbiekam šukać vialikija hrošy ŭ Rasii10
Łukašenka paraiŭ uźbiekam šukać vialikija hrošy ŭ Rasii
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary