Jeŭrasajuz moža zabaranić viadzieńnie biźniesu na jaho terytoryi trom pradpryjemstvam biełaruskaha pradprymalnika Uładzimira Piefcijeva, paviedamlaje 17 červienia brusielski sajt EUobserver.
Havorka idzie pra apieratara pa źniešnich pastaŭkach vajennaj i śpiectechniki «Biełtechespart» i apieratara respublikanskaj łatarei
«Taki zachad raspracavany, kab pakarać biełaruskaha kiraŭnika za aryšt apazicyjnych aktyvistaŭ i reparcioraŭ, ale nie nanieści škodu ekanomicy krainy», — piša EUobserver.
Adzin ź jeŭrapiejskich dypłamataŭ apisvaje Piefcijeva jak «asabistaha bankira» Łukašenki, jaki vykarystoŭvaje pradpryjemstva dla «admyvańnia hrošaj», adznačaje sajt.
Niekatoryja krainy ES, jakija majuć dziełavyja suviazi ź Biełaruśsiu, vykazali niazhodu z takimi mierami.
Saviet ministraŭ zamiežnych spraŭ ES abmiarkuje ŭviadzieńnie abmiežavańniaŭ na pasiadžeńni ŭ Luksiemburhu 21 červienia.
Ministry taksama płanujuć apublikavać kamiunikie z zaklikam da Minska vyzvalić karespandenta polskaha vydańnia Gazeta Wyborcza Andreja Pačobuta, zajaviŭšy, što Biełaruś nie moža raźličvać na novyja kredyty, i što ŭ dalejšym abmiežavańni mohuć zakranuć najbujniejšyja kampanij — takija, jak «Biełnaftachim» i «Biełaruśkalij».
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary