«Adzin doma», «Bieły šum», «Heta nia ja, heta jon», «Hary Poter i filazofski kamień», «Čałaviek biaz tvaru», «Siostry».
Subota, 13 studzienia
“Adzin doma” (Home Alone)
ZŠA, 1990, kalarovy, 103 chv.
Režyser: Krys Kałambus
Roli vykonvajuć: Makalej Kałkin, Džo Piešy, Denieł Štern, Džon Hierd
Žanr: Kamedyja
Mituślivyja baćki, jakija adpraŭlalisia z Čykaha ŭ Eŭropu, zabyli doma svajho dzicionka. Pakinuty doma adzin, chłopčyk pastaviŭ na vušy ŭsiu kvateru – i davioŭ da hłybokaha šoku niedarekaŭ-złodziejaŭ, jakija pasprabavali zaleźci ŭ dom. Usie pakaści Karłsana j Šapaklak – na hołavy niaščasnych bandytaŭ.
Nadzvyčaj vychavalnicki film. Kasavy hit dla siamiejnaha prahladu. Vyklikaŭ praciahi šmatlikija praciahi, jakija tak i nie pierajzyšli aryhinał.
“Bieły šum” (White Noise)
ZŠA – Kanada – Vialikabrytanija, kalarovy, 101 chv.
Režyser: Džefry Saks
Roli vykonvajuć: Majkł Kitan, Čandra Ŭest, Debora Ŭnhier, Sara Strejndž
Žanr: Mistyčny trymcieńnik
U “biełym šumie” elektryčnych pryboraŭ hieroj stužki znachodzić hałasy pamierłaje žonki. Ale prysłuchoŭvacca da hałasoŭ pryvidaŭ, jakija mohuć źjavicca na lubym televizary – niebiaśpiečna...
Prystojny mistyčny trymcieńnik ź niekalkimi strašnymi epizodami.
“Heta nia ja, heta jon” (C'est pas moi, c'est lui)
Francyja, 1979, kalarovy, 105 chv.
Režyser: Ṕjer Ryšar
Roli vykonvajuć: Pjer Ryšar, Alda Mačone, Valery Meres, Daniel Minacoli
Žanr: Kamedyja
Hieroj-scenaryst (Pjer Ryšar) anijak nie źjavicca ŭ tytrach, chacia jahonaja mama va ŭsich kinateatrach kryčyć, što heta film jejnaha syna. Adnojčy hieroju skłaści scenar pad svaim imiom, ale dla hetaha treba adpravicca ŭ Tunis ź italjanskim aktoram.
Nia lepšaja kamedyja z francuskim komikam, ale Ryšar jość Ryšar.
Niadziela, 14 studzienia
“Hary Poter i filazofski kamień” (Harry Potter and the Sorcerer's Stone)
ZŠA – Vialikabrytanija, 2001, kalarovy, 152 chv.
Režyser: Krys Kałambus
Roli vykonvajuć: Denieł Ržedklif, Mehi Śmit, Ryčard Harys, Derek Demen
Žanr: Kazka pavodle adnajmienaha ramanu Džaan Roŭlinh
Davoli ŭdałaja ekranizacyja papularnaje knižki pra chłopčyka, jaki vučycca ŭ čaroŭnaje škole. Heta pieršy film “pateryjany”. Trapny padbor aktoraŭ, hodnyja admysłovyja efekty – i režysura Krysa Kałambusa, jaki viedaje, jak pracavać ź dziećmi.
Film dla siamiejnaha prahladu, jaki maje niekalki scenaŭ, nie pryznačanych dla sama maleńkich.
“Čałaviek biez tvaru” (The Man Without a Face)
ZŠA, 1993, kalarovy, 114 chv.
Režyser: Meł Hibsan
Roli vykonvajuć: Meł Hibsan, Nik Stal, Fej Mastersan
Žanr: Siamiejnaja drama
Meł Hibsan hraje nastaŭnika, čyj tvar źniaviečany ŭ vyniku aŭtamabilnaje katastrofy. U haradku ŭsie hladziać na hieroja, jak na dzivosnuju pačvaru. I tolki 12-hadovy chłopčyk zdolny razhledzieć za spalenym maskaju čałavieka...
Režyserski debiut Hibsana, jaki šče nie asabliva zachaplaŭsia ekspluatacyjnym naturalizmam.
“Siostry”
Rasieja, kalarovy, 83 chv.
Režyser: Siarhiej Badroŭ-małodšy
Roli vykonvajuć: Aksana Akinšyna, Kacia Horyna, Raman Ahiejeŭ, Taciana Kołhanava
Žanr: Kryminalnaja drama
Dzinie – vosiem hadoŭ, Śviatłanie – trynaccać, i jana marać stać snajperam. Vakoł kryminał i zakony džunhlaŭ.
Karcinu varta hladzieć dziela Aksany Akinšynaj.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary