«Адзін дома», «Белы шум», «Гэта ня я, гэта ён», «Гары Потэр і філязофскі камень», «Чалавек бяз твару», «Сёстры».
Субота, 13 студзеня
“Адзін дома” (Home Alone)
ЗША, 1990, каляровы, 103 хв.
Рэжысэр: Крыс Каламбус
Ролі выконваюць: Макалей Калкін, Джо Пешы, Дэніэл Штэрн, Джон Герд
Жанр: Камэдыя
Мітусьлівыя бацькі, якія адпраўляліся з Чыкага ў Эўропу, забылі дома свайго дзіцёнка. Пакінуты дома адзін, хлопчык паставіў на вушы ўсю кватэру – і давёў да глыбокага шоку недарэкаў-злодзеяў, якія паспрабавалі залезьці ў дом. Усе пакасьці Карлсана й Шапакляк – на голавы няшчасных бандытаў.
Надзвычай выхавальніцкі фільм. Касавы гіт для сямейнага прагляду. Выклікаў працягі шматлікія працягі, якія так і не перайзышлі арыгінал.
“Белы шум” (White Noise)
ЗША – Канада – Вялікабрытанія, каляровы, 101 хв.
Рэжысэр: Джэфры Сакс
Ролі выконваюць: Майкл Кітан, Чандра Ўэст, Дэбора Ўнгер, Сара Стрэйндж
Жанр: Містычны трымценьнік
У “белым шуме” электрычных прыбораў герой стужкі знаходзіць галасы памерлае жонкі. Але прыслухоўвацца да галасоў прывідаў, якія могуць зьявіцца на любым тэлевізары – небясьпечна...
Прыстойны містычны трымценьнік зь некалькімі страшнымі эпізодамі.
“Гэта ня я, гэта ён” (C'est pas moi, c'est lui)
Францыя, 1979, каляровы, 105 хв.
Рэжысэр: Пьер Рышар
Ролі выконваюць: П’ер Рышар, Альда Мачонэ, Валеры Мэрэс, Даніэль Мінацолі
Жанр: Камэдыя
Герой-сцэнарыст (П’ер Рышар) аніяк не зьявіцца ў тытрах, хаця ягоная мама ва ўсіх кінатэатрах крычыць, што гэта фільм ейнага сына. Аднойчы герою скласьці сцэнар пад сваім імём, але для гэтага трэба адправіцца ў Туніс зь італьянскім акторам.
Ня лепшая камэдыя з францускім комікам, але Рышар ёсьць Рышар.
Нядзеля, 14 студзеня
“Гары Потэр і філязофскі камень” (Harry Potter and the Sorcerer's Stone)
ЗША – Вялікабрытанія, 2001, каляровы, 152 хв.
Рэжысэр: Крыс Каламбус
Ролі выконваюць: Дэніэл Ржэдкліф, Мэгі Сьміт, Рычард Гарыс, Дэрэк Дэмэн
Жанр: Казка паводле аднайменага раману Джаан Роўлінг
Даволі ўдалая экранізацыя папулярнае кніжкі пра хлопчыка, які вучыцца ў чароўнае школе. Гэта першы фільм “патэрыяны”. Трапны падбор актораў, годныя адмысловыя эфэкты – і рэжысура Крыса Каламбуса, які ведае, як працаваць зь дзецьмі.
Фільм для сямейнага прагляду, які мае некалькі сцэнаў, не прызначаных для сама маленькіх.
“Чалавек без твару” (The Man Without a Face)
ЗША, 1993, каляровы, 114 хв.
Рэжысэр: Мэл Гібсан
Ролі выконваюць: Мэл Гібсан, Нік Сталь, Фэй Мастэрсан
Жанр: Сямейная драма
Мэл Гібсан грае настаўніка, чый твар зьнявечаны ў выніку аўтамабільнае катастрофы. У гарадку ўсе глядзяць на героя, як на дзівосную пачвару. І толькі 12-гадовы хлопчык здольны разгледзець за спаленым маскаю чалавека...
Рэжысэрскі дэбют Гібсана, які шчэ не асабліва захапляўся эксплюатацыйным натуралізмам.
“Сёстры”
Расея, каляровы, 83 хв.
Рэжысэр: Сяргей Бадроў-малодшы
Ролі выконваюць: Аксана Акіншына, Каця Горына, Раман Агееў, Тацяна Колганава
Жанр: Крымінальная драма
Дзіне – восем гадоў, Сьвятлане – трынаццаць, і яна мараць стаць снайпэрам. Вакол крымінал і законы джунгляў.
Карціну варта глядзець дзеля Аксаны Акіншынай.
Двайнікі вядомых беларусаў. І не кажыце, што не задумваліся пра іх падабенства12
Каментары