U Baranavičach zabaranili praviadzieńnie pikieta ŭ padtrymku Mikity Lichavida, pryhavoranaha da troch z pałovaj hadoŭ pazbaŭleńnia voli ŭ kałonii ŭzmocnienaha režymu za ŭdzieł u akcyi ŭ Minsku 19 śniežnia.
Jak paviedamiŭ zajaŭnik akcyi — kiraŭnik Baranavickaha haradskoha adździaleńnia ruchu «Za Svabodu» Viktar Syryca, pikietavańnie namiačałasia pravieści 4 žniŭnia z 18.00 da 20.00 u starym parku na vulicy Kamsamolskaj. Płanavałasia, što ŭ akcyi voźmuć udzieł prykładna 10 čałaviek.
Meta pikietavańnia — prainfarmavać žycharŭ horada ab losie Lichavida i vykazać salidarnaść ź im.
Pikietčyki płanavali vyjści na akcyju z partretami Lichavida i raspaŭsiudžvać pryśviečany jamu śpiecyjalny vypusk biuletenia ruchu «Za Svabodu».
«U pikietavańni admoŭlena na toj padstavie, što ja nibyta parušyŭ rašeńnie Baranavickaha harvykankama ŭ častcy miesca praviadzieńnia akcyi, — dapoŭniŭ Syryca. — Ale ja padaŭ zajaŭku ab praviadzieńni akcyi ŭ starym parku. Heta mienavita toje miesca, jakoje vyznačana ŭładaj dla takich mierapryjemstvaŭ. Druhaja pryčyna — nibyta ja parušyŭ artykuł 5 Zakona „Ab masavych mierapryjemstvach“. Usio, što jon praduhledžvaje, ja vykanaŭ. U pryvatnaści, ukazaŭ usie źviestki pra siabie, metu pikietavańnia, kolkaść udzielnikaŭ. Ja nie razumieju, što ja parušyŭ, tamu maju namier źviarnucca ŭ harvykankam pa rastłumačeńnie».
Jak zaznačyŭ Syryca, paśla raźmiaščeńnia ŭ miascovych niezaležnych ŚMI infarmacyi ab mahčymym pikiecie piaciora žycharoŭ Baranavičaŭ užo ŭziali ŭ jaho adras kałonii, u jakoj adbyvaje pakarańnie Mikita Lichavid, kab adpravić jamu listy padtrymki. «Ja ŭpeŭnieny, kali b pikiet dazvolili, to takich ludziej było b značna bolš», — zajaviŭ Syryca.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary