У Баранавічах забаранілі правядзенне пікета ў падтрымку Мікіты Ліхавіда, прыгаворанага да трох з паловай гадоў пазбаўлення волі ў калоніі ўзмоцненага рэжыму за ўдзел у акцыі ў Мінску 19 снежня.
Як паведаміў заяўнік акцыі — кіраўнік Баранавіцкага гарадскога аддзялення руху «За Свабоду» Віктар Сырыца, пікетаванне намячалася правесці 4 жніўня з 18.00 да 20.00 у старым парку на вуліцы Камсамольскай. Планавалася, што ў акцыі возьмуць удзел прыкладна 10 чалавек.
Мэта пікетавання — праінфармаваць жыхарў горада аб лёсе Ліхавіда і выказаць салідарнасць з ім.
Пікетчыкі планавалі выйсці на акцыю з партрэтамі Ліхавіда і распаўсюджваць прысвечаны яму спецыяльны выпуск бюлетэня руху «За Свабоду».
«У пікетаванні адмоўлена на той падставе, што я нібыта парушыў рашэнне Баранавіцкага гарвыканкама ў частцы месца правядзення акцыі, — дапоўніў Сырыца. — Але я падаў заяўку аб правядзенні акцыі ў старым парку. Гэта менавіта тое месца, якое вызначана ўладай для такіх мерапрыемстваў. Другая прычына — нібыта я парушыў артыкул 5 Закона „Аб масавых мерапрыемствах“. Усё, што ён прадугледжвае, я выканаў. У прыватнасці, указаў усе звесткі пра сябе, мэту пікетавання, колькасць удзельнікаў. Я не разумею, што я парушыў, таму маю намер звярнуцца ў гарвыканкам па растлумачэнне».
Як зазначыў Сырыца, пасля размяшчэння ў мясцовых незалежных СМІ інфармацыі аб магчымым пікеце пяцёра жыхароў Баранавічаў ужо ўзялі ў яго адрас калоніі, у якой адбывае пакаранне Мікіта Ліхавід, каб адправіць яму лісты падтрымкі. «Я ўпэўнены, калі б пікет дазволілі, то такіх людзей было б значна больш», — заявіў Сырыца.
Мінск сёння вечарам пагрузіўся ў цемру. Пасля загаду Лукашэнкі48
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары