Viktar Ivaškievič nie budzie prasić dazvołu na praviadzieńnie schodu. Budzie abapiracca na zakanadaŭstva pra miascovyja schody, a nie pra masavyja mierapryjemstvy.
Viktar Ivaškievič, adkazvajučy na pytańni siabroŭ supołki «Revalucyja praz sacyjalnyja sietki», raskazaŭ pra płanavany farmat akcyi «Narodny schod».
«Minski arhkamitet Narodnaha schodu vyznačyŭ, što Minski haradski schod budzie pravodzicca 8 kastryčnika, u parku Družby narodaŭ (płošča Banhałor), z 13.00.Na schodzie buduć pryniaty patrabavańni da ŭłady, abrany pradstaŭniki, jakija pieradaduć dakumienty, pryznačana data, miesca i čas nastupnaha schodu, na jakim ludzi abmiarkujuć reakcyju ŭładaŭ i prymuć rašeńni pra dziejańni, jakija pavinny buduć prymusić ułady vykanać patrabavańni naroda», — paviedamiŭ palityk.
«Nam nie patrabujecca ni padavać zajaŭku na schod, ni atrymlivać dazvoł na jaho, — miarkuje Viktar Ivaškievič. — Kali ŭłady skažuć, što miesca praviadzieńnia narodnaha schodu zaminavana, to jany pavinny buduć prapanavać inšaje miesca schodu, i my tudy arhanizavana piarojdziem».
Arhanizatary Narodnaha schodu apielujuć da zakona «Ab masavych mierapryjemstvach», u jakim udakładniajecca, što «paradak arhanizacyi i praviadzieńni masavych mierapryjemstvaŭ, ustalavany Zakonam, nie raspaŭsiudžvajecca na schody, jakija pravodziacca ŭ adpaviednaści z zakanadaŭstvam Respubliki Biełaruś pra respublikanskija i miascovyja schody».
Takim čynam,
farmalna miascovy schod źjaŭlajecca mierapryjemstvam inšaha kštałtu, čym mitynhi i demanstracyi.U zakanadaŭstvie na hety kont jość nastupnaja traktoŭka:
«Rašeńnie pra sklikańnie miascovaha schodu, normach pradstaŭnictva i paradku abrańnia ŭpaŭnavažanych dla ŭdziełu ŭ miascovym schodzie afarmlajecca pratakołam pasiedžańnia arhanizacyjnaha kamiteta ci inicyjatyŭnaj hrupy i davodzicca da viedama hramadzianaŭ, jakija pražyvajuć na adpaviednaj terytoryi, nie paźniej čym za 15 dzion da praviadzieńnia miascovaha schodu z ukazańniem času, miescu jaho praviadzieńnia i pytańniaŭ, što vynosiacca dla abmierkavańnia».
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč26
Kamientary