Arabskaha ruskamoŭnaha błohiera nibyta chacieli zabić u Biełarusi dva braty-šyity
U Biełarusi siońnia ŭnačy nibyta była zroblena sproba napadu na arabskaha ruskamoŭnaha błohiera Ibrahima Musu, kali jon znachodziŭsia ŭ haściach na dni naradžeńnia svajho paleścinskaha siabra. U telehram-kanale «Hołos arabov», jaki viadzie hety błohier, śćviardžajecca, što trahiedyi ŭdałosia paźbiehnuć dziakujučy ŭvažlivaści samoha Ibrahima, kamiery nazirańnia ŭ domie i dziejańniam siastry imianińnika.
Jak paviedamlajecca ŭ tekście, u jakim Ibrahim Musa zhadvajecca ŭ treciaj asobie, dvoje mužčyn livanskaha pachodžańnia nibyta sprabavali atrucić kaljan, jaki pryznačaŭsia dla Ibrahima. Pavodle hetaj viersii, jon zrabiŭ tolki nievialikuju zaciažku, ale zaŭvažyŭ niešta padazronaje i admoviŭsia praciahvać. Siastra haspadara doma, zaŭvažyŭšy, što z kaljana niešta vyciakaje, zabrała jaho.
Dalej aŭtar pasta śćviardžaje, što adzin z napadnikaŭ nibyta sprabavaŭ strelić u Ibrahima ź blizkaj adlehłaści, ale pramachnuŭsia. Paśla hetaha aŭtar tekstu pieraśledavaŭ jaho i zatrymaŭ da pryjezdu inšych ludziej i milicyi. Druhoha padazravanaha, pavodle apisańnia, udałosia vyjavić pa zapisach kamier nazirańnia, paśla čaho abodvuch zatrymali.
U paviedamleńni havorycca, što suprać mužčyn moža być raspačataja kryminalnaja sprava za sprobu zabojstva.
Pavodle viersii aŭtara, pryčynaj napadu stali palityčnyja pohlady Ibrahima Musy i jaho krytyčnyja vykazvańni na adras Irana i byłoha kiraŭnictva krainy. Śćviardžajecca, što padazravanyja niekalki hadoŭ sačyli za jaho dziejnaściu i niehatyŭna stavilisia da jaho publičnych pohladaŭ. Taksama aŭtar śćviardžaje, što ŭ ich nibyta byŭ zakryty radykalny šyicki čat, dzie ŭdzielničała kala dziesiaci čałaviek.
U tekście padrabiazna apisvajecca pachodžańnie zatrymanych. Pavodle hetych źviestak, heta dva braty-šyity livanskaha pachodžańnia, jakija naradzilisia i ŭsio žyćcio žyli ŭ Biełarusi. Ich maci nibyta biełaruska, a ź Livanam jany mieli mała suviaziaŭ. Pavodle aŭtara, jany amal nie viedali arabskaj movy, viali zakryty ład žyćcia i atrymlivali palityčnuju infarmacyju pieravažna z ruskamoŭnych telehram-kanałaŭ.
Aŭtar robić vysnovu, što hety vypadak nie varta razhladać jak charaktarystyku ŭsioj šyickaj supolnaści Livana. Pavodle jaho mierkavańnia, havorka idzie pra asobnych ludziej, jakija mahli trapić pad upłyŭ radykalnych idejaŭ praź internet-supolnaści.
Ibrahim Musa naradziŭsia ŭ 2002 hodzie ŭ Kirkuku na poŭnačy Iraka. Jahony baćka byŭ dypłamatam i ŭ 2002—2003 hadach, u apošni pieryjad kiravańnia Sadama Chusejna, pracavaŭ u pasolstvie Iraka ŭ Rasii. Vyšejšuju adukacyju jon atrymaŭ u Maskvie pa śpiecyjalnaści «mižnarodnyja adnosiny».
Musa stvaryŭ ruskamoŭny telehram-kanał «Hołos arabov». Pavodle jaho słoŭ, paźniej hety kanał byŭ skradzieny machlarami. U novym svaim kanale jon publikuje materyjały pra arabski śviet z pazicyj arabskaha nacyjanalizmu i panarabizmu. Taksama jon krytyčna vykazvajecca pra palityku iranskaha režymu.
MUS i Śledčy kamitet pakul što aficyjna pra vypadki stralby ŭ Minsku ŭ apošnija dni nie paviedamlali.
Taksist-mihrant z Wildberries udaryŭ biełarusku pa tvary — taja pierad hetym paprasiła zrabić muzyku cišej
Pad Kijevam znajšli cieła žančyny, jakuju rasšukvali za zamach u Manaka na ŭkrainskaha kryminalnaha biznesmiena
Novy viarchoŭny lidar Irana Madžtaba Chamieniei nie źjaviŭsia na pachavańnie svajho zabitaha baćki
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
Na ruskaj drennaj ..nies niejkuju chuuuurmu ..))))