Kavaloŭ zajaviŭ pra cisk na jaho ŭ časie śledstva, admaŭlajecca ad pakazańniaŭ
Jon dakazvaje, što apošnim časam nie kantaktavaŭ z Kanavałavym.
Abvinavačany pa spravie ab terakcie ŭ minskim mietro, mierkavany saŭdzielnik vykanaŭcy i arhanizatara teraktaŭ Dźmitryja Kanavałava Uładzisłaŭ Kavaloŭ zajaviŭ u sudzie pra cisk na jaho padčas papiaredniaha śledstva.
«Svaje pakazańni na papiarednim śledctvie nie paćviardžaju, bo jany byli dadzieny pad ciskam», — zajaviŭ V. Kavaloŭ ŭ zale suda, pieradaje karespandent ahienctva
Kavaloŭ raspavioŭ, što jon znajomy z Kanavałavym ź pieršaha kłasa, ale nijakich «złaviesnych» schilnaściaŭ jon nie zaŭvažaŭ. Zachaplaŭsia chimijaj, padryvali razam ŭzryŭpakiety, u asnoŭnym na vulicy, na Novy hod «.
Kavaloŭ śćviardžaje, što ŭ apošni čas nie mieŭ znosinaŭ z Kanavałavym, a potym pierajechaŭ u Minsk. Maŭlaŭ, navat admoviŭsia ad zaprašeńnia papić piva 1 studzienia, kali naviedvaŭ baćkoŭ u Viciebsku.
Kavaloŭ kaža, što Kanavałaŭ pierad 9 krasavika «pazvaniŭ, skazaŭ, što choča prybyć u Minsk zaŭtra», — padkreśliŭšy, što Dźmitryj «nie kazaŭ ab daktyłaskapii», admoviŭšysia tym samym ad papiarednich pakazańniaŭ.
«Sustrelisia na vakzale, Dźmitryj byŭ z torbaj, skazaŭ — u Minsk pa spravach. Zasialilisia, vyrašyli papić harełki za sustreču, zaprasili dziaŭčat, jašče da pryjezdu dziaŭčat Kanavałaŭ kudyści adychodziŭsia. Schadzili ŭ kramu, kupili harełki», — skazaŭ jon.
Prakurora Stuka vielmi cikaviła, jak Kanavałaŭ reahavaŭ na dziejańni Kavalova, jaki padnosiŭ torbu, jak pieranosili torbu, jakija emocyi byli ŭ Kanavałava.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary