«Zakon parušać nie budu. Niachaj u nas adzin čałaviek zakon parušaje».
Jak paviedamiŭ Us, u kamisii jaho prainfarmavali ab umovach kantrolu za im. «Skazali, što, zhodna z kryminalnym zakanadaŭstvam, jany abaviazanyja pastavić mianie na prafiłaktyčny ŭlik. Ja padpisaŭ papiery, što budu davać infarmacyju, kali źbiarusia vyjechać za miežy Biełarusi. Mianie taksama papiaredzili ab niedapuščalnaści ŭdziełu ŭ masavych mierapryjemstvach», — skazaŭ jon.
Pavodle słoŭ Usa, jamu taksama paviedamili, što ŭ luby čas da jaho z pravierkaj mohuć pryjści supracoŭniki milicyi.
Adkazvajučy na pytańnie, ci źbirajecca jon pry vyjeździe za miažu infarmavać orhany ŭnutranych spraŭ, Us zaznačyŭ:
«Zakon parušać nie budu. Niachaj u nas adzin čałaviek zakon parušaje. Ale ja spadziajusia na ćviarozy rozum sudździaŭ i prakuroraŭ i što moj pryhavor budzie admienieny. Mianie ž abvinavacili ŭ arhanizacyi padpałaŭ, biesparadkaŭ i inšaha, a nivodnaha dokazu nie było dadziena. Spadziajusia, što hety marazmatyčny pryhavor budzie admienieny».
U suviazi z papiaredžańniem adnosna ŭdziełu ŭ masavych mierapryjemstvach Us paviedamiŭ, što dumaje, ci budzie jon prysutničać 8 kastryčnika na Narodnym schodzie. «Mianie tudy nichto nie zaprašaŭ. Ale, mahčyma, ja pryjdu tudy jak fizičnaja asoba», — skazaŭ Us.
Nahadajem, Dźmitryj Us, pryznany vinavatym u arhanizacyi masavych biesparadkaŭ u Minsku 19 śniežnia 2010 hoda i asudžany na piać z pałovaj hadoŭ pazbaŭleńnia voli ŭ kałonii ŭzmocnienaha režymu, byŭ vyzvaleny viečaram 1 kastryčnika na padstavie ŭkaza Alaksandra Łukašenki ab pamiłavańni.
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary