40 hadoŭ tamu pamior Džyn Vinsent, jaki napisaŭ pieśniu Be-Bop-A-Lula
40 hadoŭ tamu pamior Džyn Vinsent, adzin z rok-n-rolščykaŭ piacidziesiatych, jaki b, vidać, byŭ by zaraz zabyty (jak bolšaść jahonych kaleh), adnak 55 hadoŭ tamu, sinhłam vyjšła pieśnia, jakaja prasłaviła jaho raz i nazaŭždy.
Znakamitaja Be-Bop-A-Lula była napisanaja, kali Džyn Vinsent «u došku pjany ŭlohsia na łožku i razam z Donam Hrejvsam razhladaŭ knihu z nazvaj „Maleńkaja Łułu“». I tady Vinsent zaŭvažyŭ: «Chalera, hetaž «Bi-Bap-a-Łułu». Hrejvs zhadziŭsia — fraza «pracuje». Tak i źjaviŭsia bieśśmiarotny chit.
Sproby napisać što-niebudź takoha ž uzroŭniu skončylisia niaŭdała — Bluejean Bop i jašče niekalki pieśniaŭ Vinsenta mieli pryznańnie siarod muzykaŭ, adnak nivodnaja nie «pracavała» jak «Łuła».
Za 55 hadoŭ isnavańnia, pieśniu śpieli The Beatles razam i paasobku, Queen, Stray Cats, Eryk Biordan — tut praściej nazvać, chto nie śpiavaŭ. U Biełarusi pieśniu hraje amal luby kalektyŭ, jaki zajmajecca kłasičnym rok-n-rołam.
A praz 15 hadoŭ, paśla napisańnia pieśni, 12 kastryčnika 1971 hoda va ŭzroście 36 hadoŭ pamior sam Džyn Vinsent, jakoha pieśnia zrabiła bieśśmiarotnym dla amataraŭ rok-n-roła i rakabili.
Kamientary