Biełaruski pravaabaronca Aleś Bialacki, jaki ad 4 žniŭnia znachodzicca za kratami, moža być naminavany na litoŭskuju Premiju svabody, jakuju pryznačajuć za dasiahnieńni i ŭniosak asob i arhanizacyj u spravu abarony pravoŭ čałavieka, raźvićcia demakratyi, zaachvočvańnia miždziaržaŭnaha supracoŭnictva ŭ baraćbie za svabodu vybaru i suvierenitet narodaŭ Uschodniaj i Centralnaj Jeŭropy. Hetuju infarmacyju ahučyŭ ministr zamiežnych spraŭ Litvy Aŭdronius Ažubalis.
Takuju ideju stanoŭča acaniŭ i ministr justycyi Litvy Remihijus Šymašus.
Premija pamieram 5 tys. jeŭra ŭ hod budzie vyłučacca pravaabaroncam Uschodniaj i Centralnaj Jeŭropy. Pretendentaŭ abiare śpiecyjalnaja kamisija, jakaja štohod 23 listapada pavinna budzie pradstaŭlać parłamientu mierkavańni ab pretendencie. Samu premiju budzie pryznačać parłamient da 23 śniežnia, uznaharodu buduć uručać 13 studzienia — u Dzień abaroncaŭ svabody Litvy.
Nahadajem, što Bialacki byŭ aryštavany paśla taho, jak Litva i Polšča padali źviestki ab jaho bankaŭskich rachunkach na svajoj terytoryi. Jamu pahražaje da siami hadoŭ turmy.
Na rachunkach Bialackaha akumulavalisia hrošy dla dapamohi palitviaźniam u Biełarusi i ich siemjam. Trymać hrošy ŭ biełaruskich bankach było nierealna.
Kamientary