«Sovietskaja Biełoruśsija»: Los Kadafi byŭ pradvyznačany, kali jon pačaŭ rasstrelvać ułasnych hramadzian
Dziaržaŭnyja ŚMI pra śmierć livijskaha dyktatara napisali strymana i nie na pieršych pałosach.
Dziaržaŭnyja vydańni strymana adreahavali na navinu pra śmierć Muamara Kadafi. «Respublika» i «Narodnaja hazieta» ŭ piatničnych vypuskach uvohule nie paviedamili pra hučnuju padzieju. Mahčyma, pryčynaj tut techničnyja asablivaści vypusku hetych vydańniaŭ, naprykład, čas podpisu ŭ druk. Adnak, ichnija dziaržaŭnyja i niedziaržaŭnyja kalehi paśpieli padrychtavać artykuły pra śmierć šmathadovaha livijskaha lidara.
«Sovietskaja Biełoruśsija» raźmiaściła artykuł pra padziei ŭ Sircie na 4-j pałasie.
«Budziem ščyrymi, los lidara livijskaj Džamachiryi byŭ pradvyznačany. Kali jaho vojski pačali rasstrelvać ułasnych hramadzian, kali ŭ vajnu na baku paŭstancaŭ vystupiła NATO, kali ad jaho adviarnułasia ŭsia suśvietnaja supolnaść. Słabadan Miłošavič, Sadam Chusiejn i Usama bien Ładen skončyli svaje dni pa–roznamu, ale roźnica hetaja niepryncypovaja», — piša aŭtar artykułu. Dalej jon raźvivaje dumku, što adnoj pieramohi paŭstancam mała, što hałoŭnaje — adnaŭleńnie razburanaj krainy — jašče napieradzie.
Hazieta «Źviazda» napisała pra Muamara Kadafi, ale, jak kalehi z «SB», nie na pieršaj pałasie. U artykule, źmieščanym u padvale 2-j staronki pierakazvajucca akaličnaści zachopu ŭ pałon paranienaha pałkoŭnika. Hazieta cytuje zamiežnyja ŚMI, nie dajučy ŭłasnych acenak padziei i prahnozaŭ.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary