Artykuł v.a. staršyni BSDP (Hramada) Anatola Laŭkoviča.
Artykuł v.a. staršyni BSDP (Hramada) Anatola Laŭkoviča.
Pazicyja Biełaruskaj sacyjał-demakratyčnaj partyi (Hramada) adnosna palityčnych, sacyjalnych, ekanamičnych pracesaŭ, jakija adbyvajucca ŭ krainie, maralnaja i jasnaja. Jana adlustroŭvaje jak mety partyi, tak i intaresy bolšaści biełaruskaha hramadstva: usio, što na karyść krainie padtrymoŭvać i rabić; usio, što słužyć spravie śćviardžeńnia nacyi i ŭmacavańniu biełaruskaj dziaržavy raźvivać; usio, što viadzie da śćviardžeńnia svabod i pravoŭ čałavieka adstojvać; usio, što pavialičvaje dabrabyt i ŭmacoŭvaje sacyjalny status čałavieka ŭ hramadstvie vitać i zaachvočvać.
Pazicyja BSDP u adnosinach da krain śvietu i da susiedziaŭ uzvažanaja. Partyja zaŭždy vystupała suprać palityčnaha avanturyzmu i karparatyŭnaha etatyzmu biełaruskich uładaŭ, suprać samaizalacyi krainy, suprać svary z susiedziami i cyvilizavanymi krainami śvietu.
BSDP paśladoŭna adstojvaje dobrasusiedskuju palityku, jakaja patrabuje ŭličvać nacyjanalnyja intaresy našych partnioraŭ jak na zachadzie, poŭnačy, poŭdni, tak i na ŭschodzie. Nacyjanalnyja intaresy Ukrainy, Rasijskaj Fiederacyi, krain Jeŭraźviazu ŭ Biełarusi pavinny stać važnaj temaj publičnaha i siabroŭskaha dyjałohu susiednich narodaŭ. BSDP vystupaje suprać taho, kab los dziesiacimiljonnaha biełaruskaha naroda adnaasobna i kułuarna vyrašali pravicieli i aliharchičnyja hrupoŭki.
Narody zaŭždy imknucca da siabroŭstva, a karparatyŭnyja hrupoŭki (palityčnyja, ekanamičnyja i h.d.) – da baraćby i svary za svaje karyślivyja intaresy. U biełaruskaha naroda niama vorahaŭ. Našy susiedzi – našy siabry i partniory ŭ spravie śćviardžeńnia suvierennaj niezaležnaj i zamožnaj Biełarusi. Dobryja spravy možna rabić tolki z dobrymi namierami i dobrymi siabrami i tolki na padmurku siabroŭskich adnosin z susiedziami.
BSDP patrabuje ad uładaŭ nieadkładna raspačać i paśladoŭna vieści siabroŭski dyjałoh z susiedziami, što stanie asnovaj pavahi da našaj krainy i važnym srodkam vyrašeńnia ekanamičnych, sacyjalnych i palityčnych prablem biełaruskaha hramadstva.
BSDP patrabuje ad kiraŭnictva krainy raspačać efiektyŭnuju palityku nacyjanalnaj zhody i jadnańnia biełaruskaha hramadstva pierad niaprostymi vyklikami sučasnaha hłabalnaha śvietu. Dziela hetaha BSDP patrabuje ad uładaŭ zrabić pieršyja nieabchodnyja kroki: raspracavać dziaržaŭnuju prahramu adradžeńnia nacyjanalnaha honaru biełaruskaha naroda za svaju krainu i jaje histaryčnuju spadčynu; admianić zabaronu nacyjanalnaha ściaha i inšych histaryčnych simvałaŭ(bieź minułaha niama budučyni); vyzvalić z turmy eks-kandydata ŭ prezidenty Respubliki Biełaruś, lidera biełaruskich sacyjał-demakrataŭ Alaksandra Kazulina i ŭsich palitviaźniaŭ. 25 sakavika razam z prychilnikami pieramien pravieści ahulnanacyjanalny schod na Kastryčnickaj płoščy (płošča Kalinoŭskaha). Na hetym usienarodnym schodzie abviaścić 25 sakavika dziaržaŭnym śviatam jadnańnia i ličyć hety dzień pačatkam kansalidacyi biełaruskaha hramadstva, pačatkam adkrytaha dyjałohu ŭładaŭ z prychilnikami pieramien u krainie.
Hetyja pieršapačatkovyja kroki z boku ŭładaŭ stvorać umovy dla pieramoŭ BSDP i ŭsich demakratyčnych sił Biełarusi z kiraŭnictvam krainy na karyść nacyjanalnych intaresaŭ biełaruskaj dziaržavy i ŭsiaho biełaruskaha narodu.
My roznyja i nas šmat, ale Biełaruś u nas adna i adzinaja!
Anatol Laŭkovič,
vykonvajučy abaviazki staršyni Biełaruskaj sacyjał-demakratyčnaj partyi (Hramada), kandydat fiłasofskich navuk.
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary