Pasoł ZŠA: My čakajem kankretnych krokaŭ u planie praviadzieńnia palityčnaj i ekanamičnaj reformaŭ
Siońnia ambasadar Złučanych Štataŭ Ameryki ŭ Biełarusi spadarynia Karen Stjuart vykazałasia adnosna zajavaŭ Alaksandra Łukašenki infarmacyjnamu ahienctvu Reuters nakont žadańnia narmalizavać stasunki z Zachadam. Jakich krokaŭ čakaje ŭrad ZŠA ad Biełarusi, kab heta stała rečaisnaściu?
Stjuart: «My čakajem kankretnych, pazytyŭnych krokaŭ u planie praviadzieńnia palityčnaj i ekanamičnaj reformaŭ. My ŭžo nie raz ŭzhadvali, jakija heta mohuć być kroki. Adnym ź ich mahło b stać vyzvaleńnie ludziej, što zaraz znachodziacca ŭ źniavoleńni pa matyvach, jakija my ličym palityčnymi. Taksama heta spynieńnie pieraśledu niaŭradavych arhanizacyjaŭ i niezaležnych srodkaŭ masavaj infarmacyi. U ekanamičnym planie heta mahli b stać źmieny i realnyja reformy da lepšaha».
Što da zatrymańnia 4 lutaha vialikaj hrupy siabroŭ niezarehistravanaj arhanizacyi Małady front, spadarynia Stjuart skazała nastupnaje:
Stjuart: «Kali my ŭ paniadziełak pačuli pra hetyja zatrymańni, heta vyklikała ŭ nas zakłapočanaść. My vielmi spadziajemsia, što biełaruskija ŭłady vypuściać tych dvuch aktyvistaŭ, jakija jašče znachodziacca ŭ źniavoleńni. I, jak zaŭsiody, my budziem zaklikać da taho, kab zachoŭvalisia pravy hetych ludziej, i kab ź imi abychodzilisia naležnym čynam».
Fota z sajtu Ambasady ZŠA ŭ Miensku
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary