Byłaja namieśnica redaktara «Sovietskoj Biełoruśsii» ładzić sieminary
Heta zaniatki dla žančyn «Čamu ja adna ci što možna rabić z adzinotaj?»
Hanna Šadryna – žurnalistka, mahistarka sacyjałohii i śpiecyjalistka pa hiendernaj prablematycy. Z 2006 hoda jana, pavodle jaje słovaŭ, zajmajecca daśledavańniem šlubnych pavodzinaŭ i repraduktyŭnaha vybaru. U niadaŭnim intervju partału Tut.by pryznałasia, što piša knihu pad rabočaj nazvaj «Čamu ja adna: pryvilei adzinoty».
Paśla padziejaŭ 19 śniežnia 2010 hoda Šadryna zvolniłasia z «Sovietskoj Biełoruśsii». Svajo rašeńnie jana matyvavała vyklučna žadańniem zajmacca navukaj i vykładać na žurfaku.
Tym nie mienš, razam z hałoŭnym redaktaram Jakubovičam i astatnimi jaho namieśnikami Šadryna ŭsio ž patrapiła ŭ «čorny śpis» nieŭjaznych u ES. U žniŭni 2011 Chartyja'97 sa spasyłkaj na krynicu ŭ dypłamatyčnych kołach paviedamlała, nibyta žurnalistka sprabuje praz sud asprečyć rašeńnie Jeŭrasajuza. I što ŭ hetym joj dapamahaje Uładzimier Piefcijeŭ.
«Našaj Nivie» Šadrynaj adkazała, što ni ŭ jakija sudy nie źviartałasia. Jana paćvierdziła, što była pierapiska ź Jeŭrakamisijaj.
«Ja zadała pytańni Jeŭrapiejskaj kamisii i atrymała na ich adkazy. Na hetym maje ŭzajemaadnosiny ź Jeŭrakamisijaj spynienyja».U bližejšy čas Hanna nie płanuje zajmacca hetym pytańniem, bo pryśviačaje ŭvieś čas arhanizacyi sieminaraŭ i nie maje namieru niekudy vyjazdžać.
Pieršy sieminar Hanny Šadrynaj pad nazvaj «Alternatyŭny Valancin» adbudziecca akurat u Dzień zakachanych.
Adna z zajaŭlenych temaŭ – «Seks u vialikim horadzie». Adkul uzialisia Kery Bredšou i Brydžyt Džons? Čamu takich filmaŭ niama na rasijskaj movie?»Nastupnyja zaniatki projduć ŭ Minsku pry kancy lutaha, zatym – u Maskvie, a ŭ pierśpiektyvie – u Kijevie. Infarmacyja pra heta jość na sajcie NewOdinochki.by.
Košt udziełu ŭ 3-hadzinnym sieminary 14 lutaha – 20 dalaraŭ. U 2-dzionnym moduli 18-19 lutaha – u 2 razy daražej. Sa słoŭ Hanny, aktyŭna idzie nabor słuchačoŭ.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary