Biełarusy Strasburha sabralisia kala Rady Jeŭropy, patrabujučy, kab kantynient zmahaŭsia za Biełaruś.
«Spynicie Łukašenku!» — płakaty nievialikaj hrupy biełarusaŭ, jakija pryjšli na akcyju da budynku Rady Jeŭropy ŭ Strasburhu.Jany chočuć nahadać jeŭrapiejcam ab parušeńni pravoŭ čałavieka na svajoj radzimie, i, pa ich słovach, «uskałychnuć» parłamientaryjaŭ: sankcyi suprać Minska, padobna, tak i nie pracujuć.
U 2006 hodzie jon znajšoŭ prytułak u Francyi.29-hadovaha Paŭła Chivuka ŭ Biełarusi dvojčy asudžali za ŭdzieł u antyŭradavych demanstracyjach.
«17 hadoŭ — usio adno i toje ž, — kaža jon. —Ludzi siońnia, z adnaho boku, suprać režymu, ale ŭ toj ža čas i suprać samich siabie: na vulicy jany abaviazany kazać žurnalistam, što ŭsio dobra, usio budzie dobra, inakš jany straciać pracu. Takija razmovy možna vieści tolki na kuchni, doma».
Plenarnaja asambleja Rady Jeŭropy pryniała ŭ sieradu rezalucyju, znoŭ patrabuje ad Minska vyzvalić palityčnych źniavolenych, uvieści maratoryj na śmiarotnaje pakarańnie i ŭstać na šlach poŭnaj jaje admieny.
Aŭtar rezalucyi — dakładčyk PARIE pa Biełarusi Andres Chierkiel: «U krainie ŭsio mienš svabod, značna mienš, kali paraŭnoŭvać ź situacyjaj da prezidenckich vybaraŭ 2010 hoda. Vielmi šmat palityčnych źniavolenych, abaroncaŭ pravoŭ čałavieka pieraśledujuć, pryznačajucca śmiarotnyja prysudy, navat kali vynik rasśledavańnia daloka nie pierakanaŭčy. Moj hałoŭny vyvad — situacyja paharšajecca».
U rezalucyi zhadvajecca śmiarotny prysud Kanavałavu i Kavalovu.Letaś ich pryznali vinavatymi ŭ arhanizacyi terakta ŭ minskim mietro, achviarami jakoha stali 15 čałaviek. Advakaty zajavili, što dokazaŭ niedastatkova; asudžanyja raspaviadali, što padviarhalisia katavańniam.
Pa paviedamleńniach ź Biełarusi, miesca i čas śmiarotnaha pakarańnia trymajuć u sakrecie, a svajakam navat nie vydajuć cieła.
Luboŭ Kavalova, maci Uładzisłava, upeŭnienaja ŭ nievinavataści syna, pryjechała ŭ Strasburh:«Toje, što ja nie mahu znajści spraviadlivaści ŭ nas u krainie, mianie padšturchnuła źviarnucca siudy pa dapamohu. U nas u Biełarusi admianić rezka śmiarotnaje pakarańnie nielha, treba sklikać refierendum; ale chaciełasia b choć by ŭvieści maratoryj, heta možna».
PARIE zapatrabavała ad Minska admianić śmiarotny prysud Kavalovu i Kanavałavu.
Darečy, u samoj Biełarusi tranślacyju telekanała Euronews kabielnyja sietki MTIS spynili z 1 studzienia.Heta prytym što rasiejskaja viersija kanała padavała padziei ŭ Biełarusi bolš strymana, čym astatnija moŭnyja viersii. «Jeŭrańjus» byŭ apošnim ahulnadastupnym praz kabielnyja sietki ŭ Biełarusi navinnym kanałam, niezaležnym ad łukašenkaŭcaŭ.
Kamientary